Karl­maður hand­tekinn í tengslum meinta líkams­á­rás sem Kea­ne varð fyrir

Frá þessu er greint í yfirlýsingu frá Metropolitan lögreglunni sem hefur málið til rannsóknar. Yfirheyrslur á manninum standa nú yfir.  Það er talkSPORT sem greinir frá vendingunum. 

Daily Mail greindi frá því í gær að stuðningsmaður Arsenal hafi skallað Keane á meðan leik Arsenal og Manchester United í ensku úrvalsdeildinni í gær stóð. Keane var sérfræðingur hjá Sky Sports á leiknum.

Stuðningsmaðurinn rakst á Keane þegar hann var að bíða eftir lyftu til að komast niður á völlinn. Hann skallaði gamla United-fyrirliðann og hitti hann í brjóstið og á kinnina en Keane slapp ómeiddur frá þessari uppákomu.

Micah Richards, félagi Keanes, tók í stuðningsmanninn en Keane var öllu rólegri og reyndi að fá Richards til að drífa sig niður á völl eins og sjá má í myndbrotinu hér fyrir neðan.