Við­burða­lítið við­varana­sumar

Þetta segir í tilkynningu á vef Veðurstofu Íslands. Þar segir að viðvararnirnar skiptast þannig að fimm voru gefnar út í júní, tvær í júlí, en engin viðvörun gefin út í ágústmánuði. 

„Sumarið sker sig út er horft er til baka, en síðastliðin fimm sumur voru um 36 viðvaranir gefnar út að jafnaði.“

Sumarmánuðirnir ólíkir

Þá segir að sumarmánuðirnir hafi verið mjög ólíkir, þá sérstaklega júní og júlí. Í júní hafi suðvestlægar áttir verið ríkjandi. Það hafi verið óvenjulega hlýtt og sólríkt á norðaustan- og austanverðu landinu. Þetta hafi verið hlýjasti júnímánuður frá upphafi mælinga á Akureyri og Egilsstöðum og jafnframt hlýjasti sumarmánuðurinn þar þetta árið. 

Á meðan hafi júnímánuður verið sérlega úrkomusamur og sólarlítill á sunnan- og vestanverðu landinu. 

Í júlí hafi aftur á móti norðan- og norðaustanáttir verið ríkjandi allan mánuðinn. Það  hafi verið kalt á Norður- og Austurlandi en að tiltölu hlýrra suðvestanlands. 

Þá hafi verið óvenju þurrt og sólríkt á sunnan- og vestanverðu landinu og þetta víða verið þurrasti júlímánuður frá upphafi mælinga í þeim landshlutum. 

Ágúst hafi svo verið tiltölulega hlýr, hægviðrasamur og þurr.