Spennandi nýjungar hjá Sumac

Breytingarnar á vínseðlinum snúa mest að því að við erum auka úrvalið og innleiða fleiri merkingar á seðilinn,“ segir Oddný Ingólfsdóttir, veitingastjóri og vínþjónn hússins. 

„Okkur langaði að gera listann auðlæsilegri svo við ákváðum að bæta við upplýsingum sem fólk getur stutt sig við þegar það fær seðilinn í hendurnar. Nú bjóðum við upp á enn fleiri úrvalsvín frá Líbanon auk þess sem við höfum bætt við Bordeaux vínum. Ég get fullyrt að Sumac býður upp á vín sem fást hvergi annars staðar á landinu. Vinsælasta vínið okkar er Chateau Musar frá Líbanon en við bjóðum upp á fjóra úrvals árganga, 1997, 1998, 2000 og 2016 sem allir eru á fínu verði hjá okkur. Þetta eru heimsklassa vín.“

Í næstu viku mun Sumac einnig kynna til sögunnar nýjan kokteilalista þar sem nokkrir nýir og spennandi kokteilar munu bætast í hópinn. „Barþjóninn Leó Snæ­feld Páls­son stjórnar kokteilbarnum að stakri snilld enda barþjónn á heimsklassa sem er alltaf með puttann á púlsinum. Hann var m.a. valinn besti barþjónn Íslands í barþjóna­keppn­inni Bart­end­ers Choice Aw­ards sem haldin var í Kaupmannahöfn fyrr á þessu ári. Í sömu keppni var kokteillinn okkar Funiks valinn besti „signature“ kokteil­inn á Ísland en hann, og Sumac kokteillinn okkar, hafa báðir verið mjög vinsælir undanfarin ár.“

Nýir og bragðgóðir réttir

Nýi matseðillinn á Sumac samanstendur af nýjum réttum, endurbættum eldri réttum og svo nokkrum klassískum réttum sem hafa verið á matseðlinum undanfarin ár og njóta mikilla vinsælda að sögn Þráins Freys Vigfússonar matreiðslumeistara og eiganda Sumac. „Eins og áður erum við undir áhrifum frá Norður Afríku og Líbanon og bjóðum upp á gott úrval af grænmetis-, fiski- og kjötréttum. Meðal nýjunga má nefna nýja og spennandi ídýfu með flatbrauðinu og rauðrófusnakk sem kemur mjög sterkt inn og hefur fengið góð viðbrögð. Einnig bjóðum við upp á brasseraða geit frá Háafelli en geitin er sérlega vinsæll haustréttur.“

Meðal annarra nýrra rétta nefnir Þráinn grillaðan steinbít á beini sem er mjög skemmtilegur réttur og nauta ribeye á spjóti sem er kryddað með papriku marmelaði. „Svo erum við aðeins að leika okkur með íslensku rófuna en allt í allt erum við að bjóða upp á tíu nýja rétti á matseðlinum. Sjö rétta matseðillinn okkar nýtur einnig alltaf mikilla vinsælda en hann breytist á hverjum degi eftir lagerstöðu og stemningu. Þar fá gestir oft að smakka á nýjum réttum sem eru eftir að fara inn á hefðbundna matseðilinn okkar.

Nánari upplýsingar á sumac.is.