Bein út­sending: „Við bíðum… EKKI LENGUR!“ – mál­þing um kjör eldra fólks

Málþingið fer fram á Hilton Reykjavík Nordica við Suðurlandsbraut og stendur milli klukkan 13 og 16 í dag. Hægt verður að fylgjast með málþinginu í beinu streymi í spilaranum að neðan.

Málþingið byggist á Stefnumörkun LEB í kjaramálum 2023 sem er í þrem hlutum:

1. Almennar aðgerðir sem koma þeim best sem eru með lágar og millitekjur.
2. Sértækar aðgerðir fyrir þau verst settu.
3. Breytingar á lögum; skattalögum og lögum um almannatryggingar.

Gert er ráð fyrir að hver hluti málþingsins taki tæpa klukkustund og er stutt kaffihlé á milli.

Allir 3 hlutar málþingsins eru eins byggðir upp:

• Erindi fulltrúa LEB um áhersluatriðið
• Erindi ráðherra/þingmanns úr ríkisstjórn
• Málþingsstjóri ræðir við frummælendur
• Reynslusögur eldri borgara – myndbönd
• Pallborð undir stjórn málþingsstjóra:
• – Tveir stjórnarandstöðuþingmenn
• – Forystumaður verkalýðshreyfingar
• – Eldri borgari
• – Sérfræðingur í kjaramálum eldra fólks