Handbolti

Íslendingalið Rhein-Neckar Löwen hóf Evrópudeildina á sigri

Hjörtur Leó Guðjónsson skrifar
Ýmir Örn Gíslason er leikmaður Rhein-Neckar Löwen.
Ýmir Örn Gíslason er leikmaður Rhein-Neckar Löwen. Marco Steinbrenner/DeFodi Images via Getty Images

Íslendingalið Rhein-Neckar Löwen, með þá Ýmir Örn Gíslason og Arnór Snær Óskarsson innanborðs, vann öruggan sex marka sigur er liðið heimsótti sænska liðið Kristianstad í fyrstu umferð riðlakeppni Evrópudeildarinnar í handbolta í kvöld, 20-26.

Gestirnir í Rhein Neckar Löwen höfðu yfirhöndina stærstan hluta leiksins og náðu fljótt þriggja marka forskoti. Heimamenn komust aðeins einu sinni yfir í fyrri hálfleik í stöðunni 8-7, en gestirnir leiddu með þremur mörkum í hálfleik, staðan 10-13.

Rhein-Neckar Löwen tók svö öll völd í upphafi síðari hálfleiks og náði mest níu marka forskoti í stöðunni 12-21. Eftir það var í raun aldrei spurning hvorum meginn sigurinn myndi enda og niðurstaðan varð sex marka sigur Löwen, 20-26.

Ými, Arnór og félagar í Rhein-Neckar Löwen eru því með tvö stig eftir fyrstu umferð riðlakeppninnar, en Kristianstad er án stiga. Liðin leika í A-riðli með Nantes og Benfica sem mætast síðar í kvöld.

Evrópudeild karla í handbolta

Mest lesið


Fleiri fréttir

Sjá meira


×

Mest lesið