Í hugleiðingum veðurfræðings á vef Veðurstofunnar segir að víða verði léttskýjað, en skýjað og stöku él suðaustan- og austantil.
Frost verður á bilinu eitt til fimmtán stig og kaldast norðan heiða. Sums staðar verður þó frostlaust við suður- og vesturströndina.
Hægari vindur á morgun og laugardag, en svipað veður áfram.
Veðurhorfur á landinu næstu daga
Á föstudag og laugardag: Hæg austlæg átt, en 8-15 m/s syðst. Skýjað og líkur á stöku éljum austanlands, annars bjart að mestu. Frost 0 til 15 stig, kaldast á Norðurlandi.
Á sunnudag: Norðaustlæg eða breytileg átt 3-8 og bjart með köflum, en skýjað og lítilsháttar él austanlands. Hiti breytist lítið.
Á mánudag: Hæg breytileg átt og dálítil él á víð og dreif. Áfram kalt í veðri.
Á þriðjudag: Sunnanátt og þykknar upp, rigning eða snjókoma vestantil síðdegis eða um kvöldið. Hlýnandi veður.
Á miðvikudag: Sunnanátt og rigning, en úrkomulítið á norðaustanverðu landinu.
