Flatey færir út kvíarnar og kaupir ísbúðir Árni Sæberg skrifar 7. desember 2023 17:09 Hluti starfsfólks og eigenda Gaeta og Flateyjar. Nú um mánaðarmótin tók félagið á bakvið Flatey pitsastaðina við rekstri ísbúða Gaeta Gelato, en Gaeta framleiðir ítalskan gelató-ís frá grunni úr hráefni frá Ítalíu og íslenskri mjólk. Gaeta var stofnað vorið 2020 af Bolognabúanum Michele Gaeta í samstarfi við vinafólk sem rekur gelatóbúðir þar í borg og hefur gert allt frá árinu 1991. Fyrsta ísbúðin og sú stærsta er á Aðalstræti 6 við Ingólfstorg en einnig má finna Gaeta í mathöllunum á Hlemmi og Höfða. Í búðunum má finna 24 tegundir af gelató hverju sinni, auk ýmissa kræsinga af ítölskum uppruna á borð við tiramisú, cannoli og babá. „Þetta er mjög spennandi. Við höfum verið landsins mestu aðdáendur Gaeta undanfarin ár enda vandfundinn ís af þessum kalíber hér á landi. Gelatóinn hefur verið boði á Flatey veitingastöðunum undanfarið og hefur sótt í sig veðrið hægt og bítandi, rétt eins og ísbúðirnar sjálfar,“ segir Haukur Már Gestsson einn af eigendum Flatey Pizza. Flatey Pizza var stofnað 2017 með opnun veitingastaðarins á Grandagarði, en Flatey býður upp á súrdeigspitsur í þeim stíl sem kenndur er við Napólíborg. Staðirnir eru nú fimm talsins auk systurstaðarins NEÓ á Hafnartorgi sem reiðir fram svokallaðar New York-Napólí pitsur. Flýta sér hægt Að sögn Hauks stendur ekki til að breyta miklu í bráð enda varan „hérumbil fullkomin og handbragð Michele og kollega í heimsklassa“. Hins vegar standi til að fjölga ísbúðum hægt og bítandi og efla úrvalið frá Gaeta í matvöruverslunum. „Fyrst og fremst viljum við halda áfram að breiða út fagnaðarerindið um alvöru ítalskan gelató eins og Michele hefur gert af kappi undanfarin ár. Michele hefur lagt líf og sál í ísgerðina sem á sér dygga fastakúnna en það má alveg örugglega fjölga þeim. Það væri gaman að auka úrvalið í verslunum og opna ef til vill eina eða tvær gelató-búðir til viðbótar á vel völdum stöðum á komandi misserum. Við sjáum hvað setur og flýtum okkur hægt.“ Fer aftur heim til Ítalíu Að sögn Michele fæddist ævintýri hans í ísbransanum hér á landi fljótlega eftir komuna, þegar kræla fór á söknuði hjá honum eftir ósviknum gelató eins þeim og finna má á götum Bologna. Hann lítur stoltur yfir farinn veg en telur nú vera kominn tími til að flytja aftur heim til Ítalíu. „Ég flutti til Íslands árið 2019, heillaðist af landi og þjóð og ákvað að ílengjast. Innan skamms fann ég til æpandi söknuðar eftir gelató eins og þú færð í Bologna. Gelato-ís hefur silkikenndari og mýkri áferð en hefðbundinn rjómaís ásamt því að vera þéttari í sér vegna þess hvernig hann er framleiddur. Eitt leiddi af öðru og í samstarfi við vinafólk frá Bologna opnuðum við búðina við Aðalstræti ári síðar og hófum ísframleiðslu þar, en þau hafa framleitt og selt gelató þar í borg í meira en 30 ár.“ Undanfarið hafi hann þó fundið að hann langaði að flytja aftur heim til Ítalíu og valið hafi í raun staðið á milli þess að reka fyrirtækið í fjarvinnu þaðan eða selja það öðrum sem gætu haldið vegferðinni áfram. „Ég kannaðist við Flatey teymið í gegnum sambýlið á Hlemmi mathöll og viðskipti með gelató fyrir veitingastaðina. Samtal okkar þróaðist smátt og smátt en á tiltölulega skömmum tíma varð þetta niðurstaðan. Ég er sannfærður um að Gaeta muni blómstra í höndum nýja teymisins“ segir Michele. Ís Matur Veitingastaðir Kaup og sala fyrirtækja Mest lesið Sorglegt að þurfa að hætta rekstri eftir 38 ár í Hveragerði Viðskipti innlent Starbucks opnaði á Laugavegi í dag Viðskipti innlent Krefja nýjan rektor um að skólinn fari að lögum Viðskipti innlent Svikarar nýti sumarfrí til að blekkja fyrirtæki til að millifæra háar upphæðir Viðskipti innlent Ná að spara hver mánaðarmót en hvað svo? Viðskipti innlent Sjónvarpsstöðin Sýn verður í opinni dagskrá Viðskipti innlent Oft slegist um innstungurnar á tjaldsvæðunum Neytendur Ekki flaska á að undirbúa sumarfríið þitt í vinnunni Atvinnulíf Tillaga Vilhjálms felld með nánast öllum atkvæðum Viðskipti innlent Einungis áfengi í boði hjá Heimkaupum Viðskipti innlent Fleiri fréttir Sorglegt að þurfa að hætta rekstri eftir 38 ár í Hveragerði Starbucks opnaði á Laugavegi í dag Krefja nýjan rektor um að skólinn fari að lögum Svikarar nýti sumarfrí til að blekkja fyrirtæki til að millifæra háar upphæðir EFTA-ríkin gera fríverslunarsamning við Mercusor-ríkin Ná að spara hver mánaðarmót en hvað svo? Sjónvarpsstöðin Sýn verður í opinni dagskrá Nokkurra ára leit að kaupanda eigna í Helguvík lokið Rafbílasala tekur við sér en nær enn ekki fyrri hæðum Tillaga Vilhjálms felld með nánast öllum atkvæðum Einungis áfengi í boði hjá Heimkaupum Vill lýsa yfir vantrausti á stjórnarmann vegna sautján ára tölvubréfs Fjórir sérfræðingar skoða möguleika Íslands í gjaldmiðlamálum Arctic Fish fær heimild til frekara fiskeldis Falið að leiða þjónustu og upplifun hjá Mílu Segja lækkun á olíu ekki hafa skilað sér til íslenskra neytenda Einföldun að segja að íslensk ferðaþjónusta sé láglaunagrein „Þetta eru mjög mikil vonbrigði fyrir okkur“ Tekjur Haga jukust á fyrsta ársfjórðungi Bjarni Ingimar ráðinn rekstrarstjóri Avia Húsið selt á 78 milljónir og Jakub þarf að reiða fram milljón Gjaldþrotin námu 1,2 milljörðum króna Stýrivextir líklegast ekki lækkaðir aftur á þessu ári Verðbólgan úr 3,8 prósentum í 4,2 prósent Alltof margir sem sitja eftir með sárt ennið Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Sjá meira
Gaeta var stofnað vorið 2020 af Bolognabúanum Michele Gaeta í samstarfi við vinafólk sem rekur gelatóbúðir þar í borg og hefur gert allt frá árinu 1991. Fyrsta ísbúðin og sú stærsta er á Aðalstræti 6 við Ingólfstorg en einnig má finna Gaeta í mathöllunum á Hlemmi og Höfða. Í búðunum má finna 24 tegundir af gelató hverju sinni, auk ýmissa kræsinga af ítölskum uppruna á borð við tiramisú, cannoli og babá. „Þetta er mjög spennandi. Við höfum verið landsins mestu aðdáendur Gaeta undanfarin ár enda vandfundinn ís af þessum kalíber hér á landi. Gelatóinn hefur verið boði á Flatey veitingastöðunum undanfarið og hefur sótt í sig veðrið hægt og bítandi, rétt eins og ísbúðirnar sjálfar,“ segir Haukur Már Gestsson einn af eigendum Flatey Pizza. Flatey Pizza var stofnað 2017 með opnun veitingastaðarins á Grandagarði, en Flatey býður upp á súrdeigspitsur í þeim stíl sem kenndur er við Napólíborg. Staðirnir eru nú fimm talsins auk systurstaðarins NEÓ á Hafnartorgi sem reiðir fram svokallaðar New York-Napólí pitsur. Flýta sér hægt Að sögn Hauks stendur ekki til að breyta miklu í bráð enda varan „hérumbil fullkomin og handbragð Michele og kollega í heimsklassa“. Hins vegar standi til að fjölga ísbúðum hægt og bítandi og efla úrvalið frá Gaeta í matvöruverslunum. „Fyrst og fremst viljum við halda áfram að breiða út fagnaðarerindið um alvöru ítalskan gelató eins og Michele hefur gert af kappi undanfarin ár. Michele hefur lagt líf og sál í ísgerðina sem á sér dygga fastakúnna en það má alveg örugglega fjölga þeim. Það væri gaman að auka úrvalið í verslunum og opna ef til vill eina eða tvær gelató-búðir til viðbótar á vel völdum stöðum á komandi misserum. Við sjáum hvað setur og flýtum okkur hægt.“ Fer aftur heim til Ítalíu Að sögn Michele fæddist ævintýri hans í ísbransanum hér á landi fljótlega eftir komuna, þegar kræla fór á söknuði hjá honum eftir ósviknum gelató eins þeim og finna má á götum Bologna. Hann lítur stoltur yfir farinn veg en telur nú vera kominn tími til að flytja aftur heim til Ítalíu. „Ég flutti til Íslands árið 2019, heillaðist af landi og þjóð og ákvað að ílengjast. Innan skamms fann ég til æpandi söknuðar eftir gelató eins og þú færð í Bologna. Gelato-ís hefur silkikenndari og mýkri áferð en hefðbundinn rjómaís ásamt því að vera þéttari í sér vegna þess hvernig hann er framleiddur. Eitt leiddi af öðru og í samstarfi við vinafólk frá Bologna opnuðum við búðina við Aðalstræti ári síðar og hófum ísframleiðslu þar, en þau hafa framleitt og selt gelató þar í borg í meira en 30 ár.“ Undanfarið hafi hann þó fundið að hann langaði að flytja aftur heim til Ítalíu og valið hafi í raun staðið á milli þess að reka fyrirtækið í fjarvinnu þaðan eða selja það öðrum sem gætu haldið vegferðinni áfram. „Ég kannaðist við Flatey teymið í gegnum sambýlið á Hlemmi mathöll og viðskipti með gelató fyrir veitingastaðina. Samtal okkar þróaðist smátt og smátt en á tiltölulega skömmum tíma varð þetta niðurstaðan. Ég er sannfærður um að Gaeta muni blómstra í höndum nýja teymisins“ segir Michele.
Ís Matur Veitingastaðir Kaup og sala fyrirtækja Mest lesið Sorglegt að þurfa að hætta rekstri eftir 38 ár í Hveragerði Viðskipti innlent Starbucks opnaði á Laugavegi í dag Viðskipti innlent Krefja nýjan rektor um að skólinn fari að lögum Viðskipti innlent Svikarar nýti sumarfrí til að blekkja fyrirtæki til að millifæra háar upphæðir Viðskipti innlent Ná að spara hver mánaðarmót en hvað svo? Viðskipti innlent Sjónvarpsstöðin Sýn verður í opinni dagskrá Viðskipti innlent Oft slegist um innstungurnar á tjaldsvæðunum Neytendur Ekki flaska á að undirbúa sumarfríið þitt í vinnunni Atvinnulíf Tillaga Vilhjálms felld með nánast öllum atkvæðum Viðskipti innlent Einungis áfengi í boði hjá Heimkaupum Viðskipti innlent Fleiri fréttir Sorglegt að þurfa að hætta rekstri eftir 38 ár í Hveragerði Starbucks opnaði á Laugavegi í dag Krefja nýjan rektor um að skólinn fari að lögum Svikarar nýti sumarfrí til að blekkja fyrirtæki til að millifæra háar upphæðir EFTA-ríkin gera fríverslunarsamning við Mercusor-ríkin Ná að spara hver mánaðarmót en hvað svo? Sjónvarpsstöðin Sýn verður í opinni dagskrá Nokkurra ára leit að kaupanda eigna í Helguvík lokið Rafbílasala tekur við sér en nær enn ekki fyrri hæðum Tillaga Vilhjálms felld með nánast öllum atkvæðum Einungis áfengi í boði hjá Heimkaupum Vill lýsa yfir vantrausti á stjórnarmann vegna sautján ára tölvubréfs Fjórir sérfræðingar skoða möguleika Íslands í gjaldmiðlamálum Arctic Fish fær heimild til frekara fiskeldis Falið að leiða þjónustu og upplifun hjá Mílu Segja lækkun á olíu ekki hafa skilað sér til íslenskra neytenda Einföldun að segja að íslensk ferðaþjónusta sé láglaunagrein „Þetta eru mjög mikil vonbrigði fyrir okkur“ Tekjur Haga jukust á fyrsta ársfjórðungi Bjarni Ingimar ráðinn rekstrarstjóri Avia Húsið selt á 78 milljónir og Jakub þarf að reiða fram milljón Gjaldþrotin námu 1,2 milljörðum króna Stýrivextir líklegast ekki lækkaðir aftur á þessu ári Verðbólgan úr 3,8 prósentum í 4,2 prósent Alltof margir sem sitja eftir með sárt ennið Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Sjá meira