Kvöld­fréttir Stöðvar 2

Við verðum í beinni nærri gosstöðvum í kvöldfréttum Stöðvar 2 og sýnum myndir frá sjónarspilinu á Reykjanesi. Þá verður Kristján Már Unnarsson undir rauðum himni í nærri mannlausri Grindavík.

Við förum yfir margar hliðar á eldgosinu; Ræðum stöðuna og líklegt framhald við Kristínu Jónsdóttur jarðskjálftafræðing sem mætir í myndver, heyrum í íbúum á Reykjanesi og einnig í forstjóra HS Veitna um áhættu með tilliti til mikilvægra innviða á svæðinu.

Þá eru einnig tíðindi úr verkalýðshreyfingunni en á fundi í dag tókst ekki að ná samstöðu um að félög innan Alþýðusambandsins fari sameiginlega fram í kjaraviðræðum en ljóst er að viðræðurnar gætu orðið flóknari fyrir vikið. Við heyrum í forseta ASÍ um þetta.

Þetta og margt fleira á samtengdum rásum Bylgjunnar og Stöðvar 2 klukkan 18:30.