Danns stimplaði sig inn á einni ótrúlegri viku. Hann spilaði sinn fyrsta leik í ensku úrvalsdeildinni þegar hann lagði upp mark á móti Luton Town í síðustu viku, kom inn á sem varamaður þegar Liverpool tryggði sér enska deildabikarinn á Wembley á sunnudaginn og skoraði síðan tvö mörk í bikarsigri á Southampton á Anfield í þessar viku.
Danns er aðeins átján ára gamall síðan um miðjan janúar og hann er borinn og barnfæddur í Liverpool.
Danns gekk til liðs við Liverpool þegar hann var aðeins átta ára gamall. Hann fór í gegnum allt unglingastarf félagsins.
Það vakti síðan athygli þegar menn grófu upp skemmtilega mynd af Liverpool leikmönnum að fagna marki á Anfield þar sem Danns, sem boltastrákur, fylgdist með rétt hjá.
Þessi mynd var tekin fyrir aðeins 21 mánuði síðan. Jú, hlutirnir geta verið fljótir að gerast í fótboltanum. Men in Blazers síðan vakti athygli á þessu eins og sjá má hér fyrir neðan.
