„Þetta er klikkað,“ sagði hinn ítalski Luca Nardi en hann er aðeins tvítugur og í sæti 123 á heimslistanum.
Það sem meira er þá hafði Nardi tapað í undankeppni mótsins, gegn Belganum David Goffin, en fengið sæti eftir að annar keppandi dró sig úr keppni.
Nardi vann Djokovic 6-4, 3-6 og 6-3, en Serbinn hefur unnið 24 risamót á ferlinum og aldrei nokkurn tímann tapað gegn svo lágt skrifuðum keppanda, á móti af þessari stærðargráðu.
Novak Djokovic WORST defeats in Masters 1000 and Grand Slam
— We Are Tennis (@WeAreTennis) March 12, 2024
NARDI, ATP No.123 - Indian Wells 2024
Anderson, No.122 - Miami 2008
Istomin, No.117 - Australian Open 2017
Daniel, No.109 - Indian Wells 2018
Benneteau, No.88 - Indian Wells 2006pic.twitter.com/n6m4ZIBmJT
„Ég hef ekki hugmynd [um hvernig ég hélt ró minni]. Ég held að þetta sé kraftaverk, því ég er bara tvítugur strákur og var að vinna Novak,“ sagði Nardi.
Lucky Loser Luca Nardi defeats World No. 1 Novak Djokovic
— US Open Tennis (@usopen) March 12, 2024
pic.twitter.com/ExkQvrwfZK
Djokovic, sem er 36 ára gamall, féll úr leik í undanúrslitum Opna ástralska mótsins, gegn Jannik Sinner, og hefur því ekki unnið mót á þessu ári.
„Engir titlar í ár. Það er ekki eitthvað sem ég er vanur,“ sagði Djokovic.
Nardi mætir Tommy Paul í sextán manna úrslitum á morgun en Bandaríkjamaðurinn sló út Frakkann Ugo Humbert, 6-4 og 6-4.