Espanyol
Barcelona
Breiðablik
Vestri
Valur
Fram
Veðurstofa Íslands hefur lýst yfir óvissustigi vegna hugsanlegrar snjóflóðahættu á norðanverðum Vestfjörðum. Óvissustigið tekur gildi klukkan tíu í fyrramálið á morgun.
Í tilkynningu frá lögreglunni á Vestfjörðum vegna málsins segir að ástæðan sé gul veðurviðvörun sem tekur gildi víða um land á morgun.
„Veðurspá gerir nú ráð fyrir versnandi veðri í nótt með hvassviðri og snjókomu sem færast muni í aukana og vara fram á mánudagskvöld,“ segir í tilkynningunni.
Sérstaklega verður fylgst með stöðunni á Súðavíkurhlíð, Flateyrarvegi og Raknadalshlíð í Patreksfirði vegna mögulegrar snjóflóðahættu gangi spáin eftir.
