Ljósmyndasamkeppnin Comedy wildlife photography awards 2024 er hafin. Um árlega keppni er að ræða þar sem fólk um allan heim sendir inn þúsundir fyndnar ljósmyndir sem það fangar í náttúrunni.
Keppnin hófst formlega þann 16. mars og getur hver sem er tekið þátt með því að senda myndina inn fyrir 31. júlí.
CWPA eru haldin árlega og er þeim ætlað að ýta undir dýravernd á heimsvísu og er verðlaunakeppnin haldin af sömu aðilum og halda Comedy Pet Photography Awards en henni er ætlað að vekja athygli á heimilislausum gæludýrum í Bretlandi.
Þetta er í tíunda sinn sem keppnin er haldin og að þessu sinni er keppnin studd af Nikon og ber nafn fyrirtækisins, Nikon Comedy Wildlife Awards.
Hér að neðan má sjá nokkrar myndir úr keppninni sem ekki hafa verið birtar áður.
„Nei, ÞÚ!“ var annar björninn pottþétt að öskra á bjarnísku.Sidra Monreal Burshteyn/Comedy Wildlife Awards Það hefur eitthvað mjög alvarlegt komið fyrir þessa mörgæs.Francis Glassup/Comedy Wildlife AwardsMenn hafa af og til athugað hvað þeir koma mörgum pennum upp í sig, eða einhverju öðru. Þetta er væntanlega einhver sambærilegur leikur.Timea Ambrus/Comedy Wildlife AwardsÞetta gæti verið plakat kvikmyndar frá Lifetime um hamingjusamt par sem eignast nýjan nágranna. Við fyrstu sýn er hann góður granni og ljúflegur. Undir yfirborðinu kraumar þó hættulegur maður (fugl í þessu tilfelli) og án þess að vita af því, er parið í mikilli hættu.Alex Pansier/Comedy Wildlife AwardsÉg væri ekki til í að mæta þessum í dimmu húsasundi, skógi eða bara hvar sem er.Alvin Tarkmees/Comedy Wildlife AwardsÞessi ungi api virðist með eitthvað á samviskunni.Jo De Payw/Comedy Wildlife AwardsApar geta verið merkilega hjálpsamir.Atsuyuki Ohshima/Comedy Wildlife AwardsEkki fylgir sögunni hvað þessi fugl sagði áður en hann var sleginn utanundir.Anna Wiazowska/Comedy Wildlife AwardsÞetta hlýtur að vera afrakstur einhverrar vopnavæðinar dýra hjá bandaríska hernum.Michael Rigney/Comedy Wildlife Awards Það eina sem vantar á þessa mynd er gæru fyrir hann til að liggja á.Emeline Robert Pottorff/Comedy Wildlife Awards
Forsvarsmenn hinnar árlegu ljósmyndakeppni Comedy Wildlife Photography Awards birtu nýverið þær myndir sem keppa til úrslita í ár. Myndirnar sýna villt dýr við skondnar og oft undarlegar aðstæður.
Forsvarsmenn hinnar árlegu Comedy Pet Photo Awards gæludýraljósmyndakeppninnar hafa valið þær myndir sem keppa til úrslita í ár. Fjölmargar myndir af kostulegum dýrum bárust í keppnina.
Fyndnasta gæludýramynd ársins er mynd sem Zoe Ross tók af hvolpinum Pepper. Myndin ber heitið „Whizz Pop“ og virðist sýna sápukúlu koma út úr afturenda Pepper.
Sigurvegari Comedy Wildlife Photography Awards 2021 hefur verið valinn. Meðfylgjandi mynd af, að virðist, sárþjáðum apa í Kína hefur verið valin fyndnasta dýralífsmynd ársins.
