Síðar kom á daginn að mörg barnanna mættu miklu harðræði meðan á dvölinni stóð. Hver rannsóknarnefndin á fætur annarri hefur verið skipuð og niðurstaðan hefur nær undantekningarlaust verið sú sama. Kerfið brást þessum börnum.
Í þáttunum Vistheimilin verður sagt frá nokkrum slíkum upptökuheimilum. Rætt er við fyrrverandi starfsfólk, einstaklinga sem dvöldu á slíkum stofnunum og aðstandendur þeirra. Fólkið sem lifði af fær loksins að segja þjóðinni frá því hvaða meðferð það sætti á vistheimilum. Þáttaröðin verður frumsýnd á Stöð 2 þann 5. maí.
