Fjölda fólks sagt upp hjá Icelandair Kolbeinn Tumi Daðason og Árni Sæberg skrifa 29. maí 2024 10:40 Bogi Nils Bogason er forstjóri Icelandair. Vísir/Vilhelm Fjölda fólks hefur verið sagt upp hjá flugfélaginu Icelandair í morgun. Samkvæmt heimildum fréttastofu ná uppsagnir til margra ólíkra deilda á skrifstofu félagsins. „Það er erfiður dagur í dag, en af virðingu við starfsfólkið okkar get ég ekki tjáð mig nánar núna,“ segir Ásdís Ýr Pétursdóttir, forstöðumaður samskipta hjá Icelandair, í samtali við Vísi. Ekki hefur náðst í Boga Nils Bogason, forstjóra Icelandair, í morgun þrátt fyrir ítrekaðar tilraunir. Samkvæmt heimildum fréttastofu hefur verið boðað til funda hjá deildum innan fyrirtækisins eftir hádegið. Heildarfjöldi farþega Icelandair var 307 þúsund í apríl, fjórum prósentum fleiri en í apríl 2023. Fyrsti ársfjórðungur var sá tekjuhæsti í sögu félagsins en á sama tíma var afkoma félagsins neikvæð um 9,5 milljarða króna samanborið við 8,5 milljarða í fyrra. Velta við öllum steinum „Við erum í raun að velta við öllum steinum á kostnaðarhliðinni og höfum fengið til liðs við okkur alþjóðlega ráðgjafa sem eru fremstir í flokki á þessu sviði og hafa unnið með flugfélögum um allan heim, stórum sem smáum,“ sagði Bogi Nils Bogason, forstjóri Icelandair, í ræðu sinni á ársfundi flugfélagsins í byrjun mars. FF7 fjallað um erindi Boga í byrjun maí eftir að hafa fengið veður af uppsögnum á skrifstofum Icelandair. Það mætti rekja til þess að Icelandair hefði fengið ráðgjafafyrirtækið McKinsey&Company til að gera greiningu á rekstrinum. Hönnunardeild Icelandair var lögð niður en deildin var með leyfi til bæði hönnunar og breytinga á flugvélum. „Breytingin er í takt við áherslur okkar um að auka skilvirkni í rekstrinum og einblína á kjarnastarfsemina sem er flugrekstur. Framvegis verður leitað til sérhæfðra hönnunarstofa varðandi þau verkefni sem hönnunardeild hefur hingað til sinnt,“ útskýrir Ásdís í svari við fyrirspurn FF7 um fyrrnefndar uppsagnir í byrjun maí. Það voru fyrstu uppsagnirnar eftir ráðningu McKinsey& Company og nú hefur þeim fjölgað verulega í dag. Uppfært klukkan 15:45: Að neðan má sjá tilkynningu sem Icelandair sendi frá sér síðdegis. Icelandair gengur frá starfslokum við 82 starfsmenn Í dag hefur Icelandair gengið frá starfslokum við 82 starfsmenn. Um er að ræða starfsfólk úr ýmsum deildum á skrifstofum og starfsstöðvum félagsins. Á árunum 2021-2023 réð félagið og þjálfaði um 2.500 starfsmenn, tók fjölda flugvéla aftur í rekstur auk þess að innleiða 13 nýjar flugvélar í flotann. Góður árangur náðist við að byggja félagið hratt upp eftir heimsfaraldurinn og uppbyggingin skipti einnig sköpum fyrir viðspyrnu ferðaþjónustunnar og þar með íslenskt hagkerfi. Nú er aðaláhersla félagsins hins vegar á að auka skilvirkni í rekstrinum í kjölfar þessa mikla uppbyggingartímabils. Líkt og áður hefur komið fram er nú unnið að fjölmörgum aðgerðum til að styrkja samkeppnishæfni félagsins enn frekar. Einn liður í hagræðingaraðgerðum nú er fækkun starfsfólks í ýmsum deildum og starfsstöðvum Icelandair í dag. Bogi Nils Bogason, forstjóri: „Það er leitt að sjá á eftir góðu fólki og um erfiða ákvörðun er að ræða. Uppbygging félagsins eftir heimsfaraldurinn var mikið átaksverkefni sem stór hópur fólks kom að en nú hefur þessi hraði vöxtur náð ákveðnu jafnvægi. Auk þess standa fyrirtæki á Íslandi frammi fyrir mjög krefjandi rekstrarumhverfi sem hefur einkennst af hárri verðbólgu og mikilli hækkun launakostnaðar, umfram það sem gerist í samkeppnislöndum okkar. Jafnframt ríkir óvissa um hvernig aðstæður á mörkuðum þróast, ekki síst vegna endurtekinna eldgosa á Reykjanesi. Það er því nauðsynlegt að velta við öllum steinum til að draga úr kostnaði og auka tekjur með það að markmiði að tryggja samkeppnishæfni og bæta afkomu félagsins til framtíðar. Ég vil þakka öllu því góða fólki sem nú lætur af störfum fyrir þeirra mikilvæga framlag til Icelandair og óska þeim alls hins besta.“ Icelandair Fréttir af flugi Kauphöllin Vinnumarkaður Mest lesið Segir stjórnendur ætla að skilja skuldirnar eftir á Íslandi Viðskipti innlent Kaupfélagið á bak við risaviðskipti í Iceland Seafood Viðskipti innlent „Það verður andskoti flókið“ Viðskipti innlent Hætti korteri eftir peppfund með Möltufólkinu Viðskipti innlent Múlakaffi nýtir farþegamiðstöðina yfir veturinn Viðskipti innlent Stefna á að hefja starfsemi á Möltu innan tíu vikna Viðskipti innlent „Við munum gæta réttar kröfuhafa í hvívetna“ Viðskipti innlent Rúmlega þriðjungs samdráttur í olíuvinnslu í Rússlandi Viðskipti erlent Play er gjaldþrota Viðskipti innlent Viðkvæm staða í björgunaraðgerðum Play Europe Viðskipti innlent Fleiri fréttir Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Sjá meira
„Það er erfiður dagur í dag, en af virðingu við starfsfólkið okkar get ég ekki tjáð mig nánar núna,“ segir Ásdís Ýr Pétursdóttir, forstöðumaður samskipta hjá Icelandair, í samtali við Vísi. Ekki hefur náðst í Boga Nils Bogason, forstjóra Icelandair, í morgun þrátt fyrir ítrekaðar tilraunir. Samkvæmt heimildum fréttastofu hefur verið boðað til funda hjá deildum innan fyrirtækisins eftir hádegið. Heildarfjöldi farþega Icelandair var 307 þúsund í apríl, fjórum prósentum fleiri en í apríl 2023. Fyrsti ársfjórðungur var sá tekjuhæsti í sögu félagsins en á sama tíma var afkoma félagsins neikvæð um 9,5 milljarða króna samanborið við 8,5 milljarða í fyrra. Velta við öllum steinum „Við erum í raun að velta við öllum steinum á kostnaðarhliðinni og höfum fengið til liðs við okkur alþjóðlega ráðgjafa sem eru fremstir í flokki á þessu sviði og hafa unnið með flugfélögum um allan heim, stórum sem smáum,“ sagði Bogi Nils Bogason, forstjóri Icelandair, í ræðu sinni á ársfundi flugfélagsins í byrjun mars. FF7 fjallað um erindi Boga í byrjun maí eftir að hafa fengið veður af uppsögnum á skrifstofum Icelandair. Það mætti rekja til þess að Icelandair hefði fengið ráðgjafafyrirtækið McKinsey&Company til að gera greiningu á rekstrinum. Hönnunardeild Icelandair var lögð niður en deildin var með leyfi til bæði hönnunar og breytinga á flugvélum. „Breytingin er í takt við áherslur okkar um að auka skilvirkni í rekstrinum og einblína á kjarnastarfsemina sem er flugrekstur. Framvegis verður leitað til sérhæfðra hönnunarstofa varðandi þau verkefni sem hönnunardeild hefur hingað til sinnt,“ útskýrir Ásdís í svari við fyrirspurn FF7 um fyrrnefndar uppsagnir í byrjun maí. Það voru fyrstu uppsagnirnar eftir ráðningu McKinsey& Company og nú hefur þeim fjölgað verulega í dag. Uppfært klukkan 15:45: Að neðan má sjá tilkynningu sem Icelandair sendi frá sér síðdegis. Icelandair gengur frá starfslokum við 82 starfsmenn Í dag hefur Icelandair gengið frá starfslokum við 82 starfsmenn. Um er að ræða starfsfólk úr ýmsum deildum á skrifstofum og starfsstöðvum félagsins. Á árunum 2021-2023 réð félagið og þjálfaði um 2.500 starfsmenn, tók fjölda flugvéla aftur í rekstur auk þess að innleiða 13 nýjar flugvélar í flotann. Góður árangur náðist við að byggja félagið hratt upp eftir heimsfaraldurinn og uppbyggingin skipti einnig sköpum fyrir viðspyrnu ferðaþjónustunnar og þar með íslenskt hagkerfi. Nú er aðaláhersla félagsins hins vegar á að auka skilvirkni í rekstrinum í kjölfar þessa mikla uppbyggingartímabils. Líkt og áður hefur komið fram er nú unnið að fjölmörgum aðgerðum til að styrkja samkeppnishæfni félagsins enn frekar. Einn liður í hagræðingaraðgerðum nú er fækkun starfsfólks í ýmsum deildum og starfsstöðvum Icelandair í dag. Bogi Nils Bogason, forstjóri: „Það er leitt að sjá á eftir góðu fólki og um erfiða ákvörðun er að ræða. Uppbygging félagsins eftir heimsfaraldurinn var mikið átaksverkefni sem stór hópur fólks kom að en nú hefur þessi hraði vöxtur náð ákveðnu jafnvægi. Auk þess standa fyrirtæki á Íslandi frammi fyrir mjög krefjandi rekstrarumhverfi sem hefur einkennst af hárri verðbólgu og mikilli hækkun launakostnaðar, umfram það sem gerist í samkeppnislöndum okkar. Jafnframt ríkir óvissa um hvernig aðstæður á mörkuðum þróast, ekki síst vegna endurtekinna eldgosa á Reykjanesi. Það er því nauðsynlegt að velta við öllum steinum til að draga úr kostnaði og auka tekjur með það að markmiði að tryggja samkeppnishæfni og bæta afkomu félagsins til framtíðar. Ég vil þakka öllu því góða fólki sem nú lætur af störfum fyrir þeirra mikilvæga framlag til Icelandair og óska þeim alls hins besta.“
Icelandair Fréttir af flugi Kauphöllin Vinnumarkaður Mest lesið Segir stjórnendur ætla að skilja skuldirnar eftir á Íslandi Viðskipti innlent Kaupfélagið á bak við risaviðskipti í Iceland Seafood Viðskipti innlent „Það verður andskoti flókið“ Viðskipti innlent Hætti korteri eftir peppfund með Möltufólkinu Viðskipti innlent Múlakaffi nýtir farþegamiðstöðina yfir veturinn Viðskipti innlent Stefna á að hefja starfsemi á Möltu innan tíu vikna Viðskipti innlent „Við munum gæta réttar kröfuhafa í hvívetna“ Viðskipti innlent Rúmlega þriðjungs samdráttur í olíuvinnslu í Rússlandi Viðskipti erlent Play er gjaldþrota Viðskipti innlent Viðkvæm staða í björgunaraðgerðum Play Europe Viðskipti innlent Fleiri fréttir Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Eðlilegt ef farið verður yfir eftirlit með flugfélögum Höggið á íslenska ferðaþjónustu ætti að vera takmarkað Þjóðarskútan sé „vel í stakk búin til að sigla milli skers og báru í úfnum sjó“ Gjaldþrotaskiptabeiðni Play tekin fyrir í héraðsdómi Atvinnuleysi 5,3 prósent í ágúst Kalla ráðherra og forstjóra Samgöngustofu fyrir samgöngunefnd Hækkun flugfargjalda muni skila sér í meiri verðbólgu Sjá meira