Íslenski boltinn

Sjáðu ís­kaldan Guð­mund Magnús­son klára KR og bæði rauðu spjöldin

Óskar Ófeigur Jónsson skrifar
Guðmundur Magnússon tryggði Fram öll þrjú stigin á móti KR í gær.
Guðmundur Magnússon tryggði Fram öll þrjú stigin á móti KR í gær. Vísir/Diego

Framarar unnu 1-0 sigur á KR á Lambhagavellinum í Bestu deild karla í fótbolta í gær.

Eina mark leiksins skoraði Guðmundur Magnússon á 79. mínútu leiksins. Tiago Fernandes vann þá boltann og stakk honum inn á Guðmundur sem lyfti boltanum yfir Guy Smit í marki KR.

Þetta var sjötta mark Guðmundar í Bestu deildinni í sumar.

Tvö rauð spjöld litu dagsins ljós í lokin þegar báðar sexurnar voru reknar snemma í sturtu. Framarinn Tryggvi Snær Geirsson og KR-ingurinn Alex Þór Hauksson fengu þá báðir sitt annað gula spjald.

Fram er búið að vinna báða leiki sína á móti KR í Bestu deildinni í sumar en Rúnar Kristinsson, fyrrum leikmaður og þjálfari KR, tók við Framliðinu fyrir tímabilið.

Hér fyrir neðan má sjá sigurmarkið og rauðu spjöldin í leiknum í gær.

Klippa: Sigurmarkið og rauðu spjöldin úr leik Fram og KR
Besta deild karla KR Fram

Tengdar fréttir

Mest lesið


Fleiri fréttir

Sjá meira


×

Mest lesið