Í samtali við mbl.is staðfesti Guðmundur Torfason, formaður knattspyrnudeildar Fram, að Daniels væri kominn til landsins og fengi væntanlega leikheimild í tæka tíð fyrir leikinn gegn Fylki á miðvikudaginn.
Þrátt fyrir að vera aðeins 22 ára hefur Daniels komið víða við á ferlinum. Hann var meðal annars í varaliði PSV Eindhoven en síðast var hann hjá Leixoes í B-deildinni í Portúgal. Honum tókst ekki að skora í fjórtán leikjum með liðinu.
Daniels lék átta leiki með yngri landsliðum Hollands á sínum tíma.
Fram vann 4-1 sigur á Val í gær og er í 7. sæti Bestu deildarinnar, einu stigi frá sæti í efri hlutanum og á leik til góða.
