Fabrizio Romano greinir frá þessu á Twitter. Fernandes mun framlengja við United til 2027, með möguleika á árs framlengingu.
🚨🔴 EXCLUSIVE: Manchester United have reached an agreement with Bruno Fernandes to extend his contract!
— Fabrizio Romano (@FabrizioRomano) August 11, 2024
New deal will be valid until June 2027 plus option included for further season, June 2028 — salary at top #MUFC level.
All set to be signed before end of the summer window. pic.twitter.com/csC3HGkrgH
United keypti Fernandes frá Sporting 2020. Hann var gerður að fyrirliða Manchester-liðsins í fyrra. Fernandes hefur alls leikið 234 leiki fyrir United og skorað 79 mörk.
Í gær tapaði United fyrir Manchester City eftir vítaspyrnukeppni í leiknum um Samfélagsskjöldinn. Fernandes lagði upp mark United fyrir Alejandro Garnacho í venjulegum leiktíma og skoraði svo úr sinni spyrnu í vítakeppninni.
United mætir Fulham í upphafsleik ensku úrvalsdeildarinnar á föstudaginn kemur. Búist er við því að einhverjar breytingar verði á leikmannahópi United fram að leiknum.
Matthijs de Ligt og Noussair Mazraoui eru á leið til United frá Bayern München en Aaron Wan-Bissaka er á förum til West Ham United.
