Benedikt Sveinsson er látinn Jón Þór Stefánsson skrifar 19. september 2024 05:59 Benedikt Sveinsson kom víða við á löngum ferli. visir/hari Benedikt Sveinsson, athafnamaður, lögmaður og faðir forsætisráðherra er látinn 86 ára að aldri. Benedikt fæddist þann 31. júlí 1938. Hann var sonur Helgu Ingimundardóttur og Sveins Benediktssonar og var alnafni afa síns í föðurætt. Sá var alþingismaður frá árinu 1908 til 1931 bæði fyrir Sjálfstæðisflokk og Framsókn. Benedikt eldri var einnig faðir Bjarna Benediktssonar eldri, sem var forsætisráðherra Íslands frá 1963 til dánardags 1970. Hann gekk í Austurbæjarskóla og síðar í Menntaskólann í Reykjavík. Hann lauk lagaprófi og hélt síðan út í nám við Minnesota-háskólann í Minneapolis þar sem hann stundaði nám í viðskiptafræði. Benedikt giftist Guðríði Jónsdóttur árið 1960 og átti með henni þrjá syni: Svein, Jón og Bjarna. Benedikt kom víða við á löngum ferli. Hann stundaði lögmennsku og var oddviti Sjálfstæðisflokksins í Garðabæ og formaður bæjarráðs Garðabæjar á níunda og tíunda áratugnum. Hann var jafnframt áberandi í viðskiptalífinu. Árið 1994 var hann kallaður „stjórnarformaður Íslands“ í DV vegna þess að hann var stjórnarformaður Sjóvá Almennra, Festingar og Marels. Einnig sat hann þá í stjórn Eimskipa, Flugleiða og fleiri félaga. Hafði áhrif á feril sonar síns Jafnframt hafði Benedikt áhrif á pólitískan feril sonar síns Bjarna. Árið 2017 sleit Björt framtíð ríkisstjórnarsamstarfi við Viðreisn og Sjálfstæðisflokk þar sem Bjarni var forsætisráðherra. Það var sama dag og í ljós kom að Benedikt hefði skrifað undir meðmæli með umsókn Hjalta Sigurjóns Haukssonar um uppreist æru. Sjá nánar: Nærmynd af Benedikt Sveinssyni Aftur hafði Benedikt áhrif á feril Bjarna í fyrra. Hann hafði tekið þátt í útboði á sölu Íslandsbanka árið 2022. Það kom í ljós í apríl 2023 og í kjölfarið sagðist Bjarni hafa beðið sína nánustu um að taka ekki þátt í útboðinu. Í október sama ár sagði Bjarni af sér sem fjármálaráðherra vegna álits umboðsmanns Alþingis sem sagði að hann hefði ekki verið hæfur þegar hann samþykkti tillögu Bankasýslunnar um sölu á Íslandsbanka, í ljósi þess að einkahlutafélag föður hans var á meðal kaupenda. „Hlýr og mikill vinur vina sinna“ Í áðurnefndri umfjöllun DV frá árinu 1994 hafði Haraldur Blöndal eftirfarandi orð um frænda sinn Benedikt: „Hann er mikill mannkostamaður, hlýr og mikill vinur vina sinna. Hann er mjög traustur og heiðarlegur í viðskiptum og er annt um heiðarlegt viðskiptalíf og að menn fari eftir settum reglum. Hann er fastur fyrir eins og allir mikilhæfir menn, rökfastur en ofstopi er ekki til í fari Benedikts.“ Benedikt Jóhannesson, fyrrverandi fjármálaráðherra og frændi Benedikts heitins, lýsti frænda sínum við sama tilefni. „Það er gott að starfa með Benedikt og hann hikar ekkert við að taka ákvarðanir þótt þær geti verið' óþægilegar. Hann getur verið fastur fyrir en tekur vel rökum. Ég hef stundum leitað til hans um ráð og yfirleitt komið fróðari til baka. Hann er þægilegur, hlýr og traustur maður. Hann er mjög klókur peningamaður og hefur gott nef fyrir viðskiptum. Hann skoðar hluti mjög vandlega og flanar ekki að neinu en þegar hann er kominn með þær upplýsingar sem hann telur nægar þá er hann fljótur að segja af eða á,“ sagði Benedikt Jóhannesson og bætti við: „Hann berst ekki mikið á í einkalífinu. Hann býr ekki í neinni glæsihöll og það er ekkert sukk-lífemi í kringum hann heldur allt á venjulegum nótum. Benedikt getur verið manna skemmtilegastur í boðum og heldur oft uppi húmornum. Hann kann sögur af öllum fjáranum og þekkir óhemju af fólki. Þegar hann varð fimmtugur fékk hann margar klukkur í afmælisgjöf með orðum gefenda um að það kæmi sér vel fyrir hann því helsti ljóður á ráði hans væri að hann væri afskaplega óstundvís. Mér kemur þetta ekki á óvart því hann er afskaplega afslappaður. Hann rýkur ekki burt úr miðju samtali og segist þurfa að fara á fund. Það er margt sagt um Benedikt, bæði satt og logið. Ég held að hann sé nú ekkert hrifinn af umtali, að minnsta kosti ekki því logna. En ég hef sjaldnast séð honum sárna beint en það getur svo sem fokið í hann. Hann er skapmikill en fer ákaflega vel með það.“ Andlát Mest lesið Ók líklega á yfir 120 rétt fyrir slysið Erlent Öllu flugi til og frá næststærstu borg Frakklands aflýst Erlent „Kannski var þetta prakkarastrik“ Innlent Segir stjórnina ekki standa við stóru orðin í orkumálum Innlent Aðeins eitt mál enn óleyst í vopnahlésviðræðum Erlent Keyptu ónýtt hús og fá ekki áheyrn Innlent „Við ætlum að upplifa stóra drauminn hans Kristians Helga” Innlent „Íslandsmet í óvandaðri lagasetningu“ Innlent Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent Gufunesmálið: Hringdu um miðja nótt og sögðu hinn látna vera kynferðisafbrotamann Innlent Fleiri fréttir Segir stjórnina ekki standa við stóru orðin í orkumálum „Kannski var þetta prakkarastrik“ „Íslandsmet í óvandaðri lagasetningu“ Skýrt að fleiri hafi brotið af sér í máli fötluðu konunnar Engar skýringar frá saksóknara, Íslandsmet í umræðum og óvæntur hvalur Íslandsmet slegið í málþófi Ekið á sjö ára barn í Borgartúni Gufunesmálið: Hringdu um miðja nótt og sögðu hinn látna vera kynferðisafbrotamann Skorið á bönd palestínska og úkraínska fánans Konan er komin í leitirnar Keyptu ónýtt hús og fá ekki áheyrn Alls 246 ökumenn sektaðir og átta sviptir vegna hraðaksturs Eldri borgarar skemmtu sér í múmínkastalanum Menn á sextugs- og sjötugsaldri grunaðir um stórfellt fíkniefnabrot Nýjasta útspil Ísraela á Gasa minni á „lokalausn“ nasistanna Handviss um að Sjálfstæðisflokkurinn fái yfir þrjátíu prósent Kolfelldu tillögu minnihlutans: „Það er meirihlutinn sem stýrir dagskránni“ „Þetta virðast vera einu gjöldin sem ekki má snerta“ Skráningargjöld, fylgistap og gettó á Gasa Bæjarráð Voga vill gera ráð fyrir flugvelli í Hvassahrauni Leggur til þjóðaratkvæðagreiðslu um bókun 35 Piltur reyndi að stöðva árás föður sem ógnaði móðurinni með hníf Flugvél Play lenti í hagléli og þurfti að snúa við Lögreglumaður á sjúkrahúsi eftir alvarlega árás á Goslokahátíð Óskar viðbragða ráðherra við löngum afgreiðslutíma Lögregla lýsir eftir heilabilaðri konu á Akureyri „Við ætlum að upplifa stóra drauminn hans Kristians Helga” Vilja taka fjármálaáætlun til umræðu Einu verslun Þingeyringa lokað Aðsóknarmet slegið í lögreglunám Sjá meira
Benedikt fæddist þann 31. júlí 1938. Hann var sonur Helgu Ingimundardóttur og Sveins Benediktssonar og var alnafni afa síns í föðurætt. Sá var alþingismaður frá árinu 1908 til 1931 bæði fyrir Sjálfstæðisflokk og Framsókn. Benedikt eldri var einnig faðir Bjarna Benediktssonar eldri, sem var forsætisráðherra Íslands frá 1963 til dánardags 1970. Hann gekk í Austurbæjarskóla og síðar í Menntaskólann í Reykjavík. Hann lauk lagaprófi og hélt síðan út í nám við Minnesota-háskólann í Minneapolis þar sem hann stundaði nám í viðskiptafræði. Benedikt giftist Guðríði Jónsdóttur árið 1960 og átti með henni þrjá syni: Svein, Jón og Bjarna. Benedikt kom víða við á löngum ferli. Hann stundaði lögmennsku og var oddviti Sjálfstæðisflokksins í Garðabæ og formaður bæjarráðs Garðabæjar á níunda og tíunda áratugnum. Hann var jafnframt áberandi í viðskiptalífinu. Árið 1994 var hann kallaður „stjórnarformaður Íslands“ í DV vegna þess að hann var stjórnarformaður Sjóvá Almennra, Festingar og Marels. Einnig sat hann þá í stjórn Eimskipa, Flugleiða og fleiri félaga. Hafði áhrif á feril sonar síns Jafnframt hafði Benedikt áhrif á pólitískan feril sonar síns Bjarna. Árið 2017 sleit Björt framtíð ríkisstjórnarsamstarfi við Viðreisn og Sjálfstæðisflokk þar sem Bjarni var forsætisráðherra. Það var sama dag og í ljós kom að Benedikt hefði skrifað undir meðmæli með umsókn Hjalta Sigurjóns Haukssonar um uppreist æru. Sjá nánar: Nærmynd af Benedikt Sveinssyni Aftur hafði Benedikt áhrif á feril Bjarna í fyrra. Hann hafði tekið þátt í útboði á sölu Íslandsbanka árið 2022. Það kom í ljós í apríl 2023 og í kjölfarið sagðist Bjarni hafa beðið sína nánustu um að taka ekki þátt í útboðinu. Í október sama ár sagði Bjarni af sér sem fjármálaráðherra vegna álits umboðsmanns Alþingis sem sagði að hann hefði ekki verið hæfur þegar hann samþykkti tillögu Bankasýslunnar um sölu á Íslandsbanka, í ljósi þess að einkahlutafélag föður hans var á meðal kaupenda. „Hlýr og mikill vinur vina sinna“ Í áðurnefndri umfjöllun DV frá árinu 1994 hafði Haraldur Blöndal eftirfarandi orð um frænda sinn Benedikt: „Hann er mikill mannkostamaður, hlýr og mikill vinur vina sinna. Hann er mjög traustur og heiðarlegur í viðskiptum og er annt um heiðarlegt viðskiptalíf og að menn fari eftir settum reglum. Hann er fastur fyrir eins og allir mikilhæfir menn, rökfastur en ofstopi er ekki til í fari Benedikts.“ Benedikt Jóhannesson, fyrrverandi fjármálaráðherra og frændi Benedikts heitins, lýsti frænda sínum við sama tilefni. „Það er gott að starfa með Benedikt og hann hikar ekkert við að taka ákvarðanir þótt þær geti verið' óþægilegar. Hann getur verið fastur fyrir en tekur vel rökum. Ég hef stundum leitað til hans um ráð og yfirleitt komið fróðari til baka. Hann er þægilegur, hlýr og traustur maður. Hann er mjög klókur peningamaður og hefur gott nef fyrir viðskiptum. Hann skoðar hluti mjög vandlega og flanar ekki að neinu en þegar hann er kominn með þær upplýsingar sem hann telur nægar þá er hann fljótur að segja af eða á,“ sagði Benedikt Jóhannesson og bætti við: „Hann berst ekki mikið á í einkalífinu. Hann býr ekki í neinni glæsihöll og það er ekkert sukk-lífemi í kringum hann heldur allt á venjulegum nótum. Benedikt getur verið manna skemmtilegastur í boðum og heldur oft uppi húmornum. Hann kann sögur af öllum fjáranum og þekkir óhemju af fólki. Þegar hann varð fimmtugur fékk hann margar klukkur í afmælisgjöf með orðum gefenda um að það kæmi sér vel fyrir hann því helsti ljóður á ráði hans væri að hann væri afskaplega óstundvís. Mér kemur þetta ekki á óvart því hann er afskaplega afslappaður. Hann rýkur ekki burt úr miðju samtali og segist þurfa að fara á fund. Það er margt sagt um Benedikt, bæði satt og logið. Ég held að hann sé nú ekkert hrifinn af umtali, að minnsta kosti ekki því logna. En ég hef sjaldnast séð honum sárna beint en það getur svo sem fokið í hann. Hann er skapmikill en fer ákaflega vel með það.“
Andlát Mest lesið Ók líklega á yfir 120 rétt fyrir slysið Erlent Öllu flugi til og frá næststærstu borg Frakklands aflýst Erlent „Kannski var þetta prakkarastrik“ Innlent Segir stjórnina ekki standa við stóru orðin í orkumálum Innlent Aðeins eitt mál enn óleyst í vopnahlésviðræðum Erlent Keyptu ónýtt hús og fá ekki áheyrn Innlent „Við ætlum að upplifa stóra drauminn hans Kristians Helga” Innlent „Íslandsmet í óvandaðri lagasetningu“ Innlent Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent Gufunesmálið: Hringdu um miðja nótt og sögðu hinn látna vera kynferðisafbrotamann Innlent Fleiri fréttir Segir stjórnina ekki standa við stóru orðin í orkumálum „Kannski var þetta prakkarastrik“ „Íslandsmet í óvandaðri lagasetningu“ Skýrt að fleiri hafi brotið af sér í máli fötluðu konunnar Engar skýringar frá saksóknara, Íslandsmet í umræðum og óvæntur hvalur Íslandsmet slegið í málþófi Ekið á sjö ára barn í Borgartúni Gufunesmálið: Hringdu um miðja nótt og sögðu hinn látna vera kynferðisafbrotamann Skorið á bönd palestínska og úkraínska fánans Konan er komin í leitirnar Keyptu ónýtt hús og fá ekki áheyrn Alls 246 ökumenn sektaðir og átta sviptir vegna hraðaksturs Eldri borgarar skemmtu sér í múmínkastalanum Menn á sextugs- og sjötugsaldri grunaðir um stórfellt fíkniefnabrot Nýjasta útspil Ísraela á Gasa minni á „lokalausn“ nasistanna Handviss um að Sjálfstæðisflokkurinn fái yfir þrjátíu prósent Kolfelldu tillögu minnihlutans: „Það er meirihlutinn sem stýrir dagskránni“ „Þetta virðast vera einu gjöldin sem ekki má snerta“ Skráningargjöld, fylgistap og gettó á Gasa Bæjarráð Voga vill gera ráð fyrir flugvelli í Hvassahrauni Leggur til þjóðaratkvæðagreiðslu um bókun 35 Piltur reyndi að stöðva árás föður sem ógnaði móðurinni með hníf Flugvél Play lenti í hagléli og þurfti að snúa við Lögreglumaður á sjúkrahúsi eftir alvarlega árás á Goslokahátíð Óskar viðbragða ráðherra við löngum afgreiðslutíma Lögregla lýsir eftir heilabilaðri konu á Akureyri „Við ætlum að upplifa stóra drauminn hans Kristians Helga” Vilja taka fjármálaáætlun til umræðu Einu verslun Þingeyringa lokað Aðsóknarmet slegið í lögreglunám Sjá meira
Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent
Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent