Gunn­hildur og Erin eignuðust dreng

Hjónin birtu sameiginlega færslu á Instagram þar sem þær tilkynna fæðingu sonarins.

„Vika með þér. Litli karl Mcleod,“ skrifaði Gunnhildur og deildi myndum af drengnum.

Gunnhildur Yrsa gekk aftur í raðir Stjörnunnar í fyrra eftir áralanga dvöl í atvinnumennsku. Hún lék 102 landsleiki fyrir Ísland á árunum 2011-23.

Erin lék fyrst með Stjörnunni sumarið 2020 en kom svo aftur til félagsins í fyrra. Hún er fyrrverandi landsliðsmarkvörður Kanada og á 119 landsleiki á ferilskránni. Erin var í leikmannahópi kanadíska landsliðsins sem varð Ólympíumeistari 2021.

Gunnhildur Yrsa og Erin gengu í hjónaband á nýársdag í fyrra.