„Yndislega dóttir okkar kom í heiminn 14. nóvember og hjörtun okkar eru full af ást og þakklæti,“ skrifar parið við færsluna og deilir myndum af litlu snótinni.
Í byrjun árs var greint frá því að þau Elín Metta og Sigurður væru nýtt par. Þau hefðu verið að stinga saman nefjum mánuðina á undan.
Elín Metta Jensen hefur verið ein fremsta knattspyrnukona landsins síðustu ár og hefur spilað 62 landsleiki fyrir Íslands hönd. Hún lagði skóna á hilluna eftir knattspyrnutímabilið 2022 og tók þá aftur fram síðasta sumar og spilaði þá með Þrótti í Bestu deildinni.
Sigurður er menntaður hagfræðingur og starfaði meðal annars hjá Viðskiptaráði Íslands og McKinsey & Company áður en hann var ráðinn til VEX. Sigurður er sonur Tómasar Más Sigurðssonar, forstjóra HS Orku, og Ólafar heitinnar Nordal, fyrrverandi dómsmálaráðherra.
