Kostaði umdeilda færslu á síðu flokks sem hann er hættur í Vésteinn Örn Pétursson skrifar 26. nóvember 2024 00:09 Tómas Ellert var í Miðflokknum um árabil. Hann er nú dyggur stuðningsmaður Framsóknar, einkum Höllu Hrundar Logadóttur. Hún er oddviti Framsóknar í Suðurkjördæmi. Fyrrverandi Miðflokksmaður, sem nú styður oddvita Framsóknar í Suðurkjördæmi af heilum hug, gengst við því að hafa birt færslu á síðu fyrrnefnda flokksins nokkrum vikum eftir brotthvarf hans þaðan. Færslan innihélt opið bréf þar sem forstjóri Íslenskrar erfðagreiningar sagði oddvita Miðflokksins í Reykjavík suður til syndanna. Miðflokkurinn í Suðurkjördæmi hefur birt færslu á Facebook-síðu sinni, þar sem segir að Tómas Ellert Tómasson, fyrrverandi Miðflokksmaður, hafi birt þar efni um mánuði eftir að hafa sagt sig úr flokknum. Fyrr í kvöld birtist færsla á síðunni þar sem deilt var opnu bréfi Kára Stefánssonar, forstjóra Íslenskrar erfðagreiningar, til Snorra Mássonar, oddvita Miðflokksins í Reykjavík suður. Í bréfinu sagði Kári að Snorri þyrfti að sætta sig við að vera orðinn frambjóðandi Miðflokksins, þótt honum kynni að mislíka stefnan. „Þú ert orðinn frambjóðandi fyrir flokk sem hefur að stefnu málefni sem þér finnst hljóma illa, girtu þig nú í brók og horfstu í augu við sjálfan þig og þar með heiminn eins og hann er,“ skrifaði Kári meðal annars til Snorra. Líta málið alvarlegum augum Fyrr í kvöld birtist færsla á síðu Miðflokksins í Suðurkjördæmi þar sem greininni var deilt, án mikils samhengis. Aðeins var vitnað í inngang hennar og hlekk á hana deilt. Greininni var deilt á síðu Miðflokksins í Suðurkjördæmi, án mikils samhengis. Einhverjir hafa eflaust furðað sig á að henni hafi verið deilt á síðu Miðflokksins, sem Kári fer ekki svo mjúkum höndum um í bréfi sínu. Í nýrri færslu segir að Tómas Ellert Tómasson, sem sóttist eftir oddvitasæti Miðflokksins í Suðurkjördæmi í síðasta mánuði, hafi birt kostaða færslu á umræddri síðu. Það sé tæpum fjórum vikum eftir að hann sagði sig úr Miðflokknum og hafi gengið í kosningateymi Höllu Hrundar Logadóttur, oddvita Framsóknar í kjördæminu. Þá er birt mynd því til staðfestingar að það hafi sannarlega verið Tómas Ellert sem birti færsluna í nafni Miðflokksins í Suðurkjördæmi. „Miðflokkurinn í Suðurkjördæmi lítur málið alvarlegum augum. Tómas Ellert hefur verið fjarlægður af Facebook síðunni en annir í kosningabaráttu höfðu komið í veg fyrir að kjördæmafélagið gengi fyrr í málið. Miðflokkurinn treystir fólki og Tómas Ellert brást því trausti í kvöld,“ segir í færslunni. Í færslunni er innihald bréfs Kára til Snorra rakið, en þar segir einnig að Tómas hafi ekki látið sér nægja að deila bréfinu, heldur hafi hann kostað færsluna sérstaklega til að auka dreifingu hennar. „Leitt er að sjá fyrrum samflokksmann til margra ára, kjörinn fulltrúa og frambjóðanda sigla undir fölsku flaggi á vettvangi þar sem hann áður gegndi trúnaðarstörfum.“ Gengst við því að hafa birt færsluna Tómas Ellert lætur sitt ekki eftir liggja og svarar fyrrum samherjum sínum í Miðflokknum fullum hálsi, í athugasemd við færsluna. Sú athugasemd er samhljóða færslu sem Tómas birtir á sinni eigin Facebook-síðu. „Hér var enginn að sigla undir fölsku flaggi þar sem að mér er fullkunnugt um að nafn þess aðila sem að kostar auglýsingu á FB mun sjást. Það ætti ég nú að vita hafandi kostað auglýsingar á þessari síðu í bráðum átta ár og kostað úr mínum vasa fyrir hundruðir þúsunda,“ skrifar Tómas Ellert. Hann líti það sjálfur alvarlegum augum að hans fyrrum félagar séu „illa áttaðir“ og fylgist ekki með því sem gerist í kringum þá. „Þingflokkurinn mætir ekki í atkvæðagreiðslur á þingi og veit ekkert hvað hefur verið samþykkt þar og ekki mættu þeir sem framboðslistann skipa í Suðurkjördæmi, einu sinni við skóflustungu á nýju Selfossbrúnni.“ „Ekki traustsins verðir“ Tómas heldur áfram og segist aðeins hafa viljað setja bréf Kára til Snorra á síðuna svo hægt væri að láta þann síðarnefnda vita af tilvist þess, þar sem svo virtist sem allt færi fram hjá Miðflokksmönnum þessa dagana. „[Meira að segja] að oddviti eins listans ykkar er á öndverðri skoðun við það sem þið hafið áður látið frá ykkur varðandi landbúnaðarmál þó hún sé sammála ykkur um að vera tilbúnir að selja Landsvirkjun (það hefur ekki komið leiðrétting frá ykkur varðandi það atriði á síðu viðskiptaráðs svo það heldur líklegast). Annað vakti nú ekki fyrir mér elsku ljúflingarnir mínir og krútt.“ Tómas lætur stutta eftirskrift fylgja athugasemd sinni: „Það er nú varla hægt að bregðast trausti þess eða þeirra sem eru ekki traustsins verðir.“ Miðflokkurinn Framsóknarflokkurinn Alþingiskosningar 2024 Auglýsinga- og markaðsmál Suðurkjördæmi Tengdar fréttir „Girtu þig nú í brók og horfstu í augu við sjálfan þig“ Kári Stefánsson segir Snorra Másson, oddvita Miðflokksins í Reykjavíkurkjördæmi suður, vera búinn að koma sér út í erfiðar aðstæður. Snorri sé í flokki hverra stefnumál honum mislíkar og eigi erfitt með að horfast í augu við sjálfan sig. 25. nóvember 2024 18:05 Mest lesið Vísbendingar um að síðasta vígið sé fallið Innlent Klara Baldursdóttir er látin Innlent Konan sem féll í Brúará er látin Innlent Deilurnar halda áfram og Musk boðar „Ameríkuflokkinn“ Erlent „Erum ekki dúkkur sem Snorri getur sagt fyrir verkum“ Innlent Fimm frumvörp fjögurra ráðuneyta samþykkt Innlent Kýldi konu eftir kynmök: „Hvað, getur þú ekki meira?“ Innlent Aftur logar eldur í Læradal Erlent „Ef þetta gengur vel mun hún eignast allan bátinn“ Innlent Glittir í endurkomu sumarsins Veður Fleiri fréttir Norðurlandamót í Bridge á Laugarvatni alla helgina Yfirfara þurfi öryggismál við Brúará Enn eitt banaslysið í Brúará, landvinningar lúsmýs og þungarokkshátíð Vísbendingar um að síðasta vígið sé fallið „Ef þetta gengur vel mun hún eignast allan bátinn“ Konan sem féll í Brúará er látin Fimm frumvörp fjögurra ráðuneyta samþykkt Klara Baldursdóttir er látin Þyrla Landhelgisgæslunnar kölluð út vegna göngumanns „Kraftmiklar og afgerandi aðgerðir gegn skipulagðri brotastarfsemi“ „Þegar fjármagnið klárast, þá klárast líka aðgengið“ Hressar og skemmtilegar systur með geitur á Geysi Loka hluta útsýnispallsins vegna aurskriðu Sjávarútvegurinn standi höllum fæti Starfsáætlun Alþingis felld úr gildi Höggin dynji á sjávarútveginum og áhugi kvenna á iðnstörfum minnkar Erlendur ferðamaður féll í Brúará Ein á móti rýmkuðu sorgarleyfi „Erum ekki dúkkur sem Snorri getur sagt fyrir verkum“ Kýldi konu eftir kynmök: „Hvað, getur þú ekki meira?“ Missti nánast sjónina þegar sláttuorf skaut steini í annað augað Mál áfengisverslananna komin til ákærusviðs, aftur Frumvarp um farþegalista samþykkt Kolbrún segir gesti nefndarinnar handbendi minnihlutans Löng bílaröð meðan hæðarslá er lagfærð Öllum sagt upp: „Ekkert verið að hugsa um félagsmiðstöðvastarf“ Launahækkunin mun fara í gegn en kerfið endurskoðað í haust Búa sig undir margmenni á Hengil Ultra Ásthildur Lóa skammar þingheim Íbúar leiti réttar síns vegna flautsins: „Þetta er lýðheilsuógn“ Sjá meira
Miðflokkurinn í Suðurkjördæmi hefur birt færslu á Facebook-síðu sinni, þar sem segir að Tómas Ellert Tómasson, fyrrverandi Miðflokksmaður, hafi birt þar efni um mánuði eftir að hafa sagt sig úr flokknum. Fyrr í kvöld birtist færsla á síðunni þar sem deilt var opnu bréfi Kára Stefánssonar, forstjóra Íslenskrar erfðagreiningar, til Snorra Mássonar, oddvita Miðflokksins í Reykjavík suður. Í bréfinu sagði Kári að Snorri þyrfti að sætta sig við að vera orðinn frambjóðandi Miðflokksins, þótt honum kynni að mislíka stefnan. „Þú ert orðinn frambjóðandi fyrir flokk sem hefur að stefnu málefni sem þér finnst hljóma illa, girtu þig nú í brók og horfstu í augu við sjálfan þig og þar með heiminn eins og hann er,“ skrifaði Kári meðal annars til Snorra. Líta málið alvarlegum augum Fyrr í kvöld birtist færsla á síðu Miðflokksins í Suðurkjördæmi þar sem greininni var deilt, án mikils samhengis. Aðeins var vitnað í inngang hennar og hlekk á hana deilt. Greininni var deilt á síðu Miðflokksins í Suðurkjördæmi, án mikils samhengis. Einhverjir hafa eflaust furðað sig á að henni hafi verið deilt á síðu Miðflokksins, sem Kári fer ekki svo mjúkum höndum um í bréfi sínu. Í nýrri færslu segir að Tómas Ellert Tómasson, sem sóttist eftir oddvitasæti Miðflokksins í Suðurkjördæmi í síðasta mánuði, hafi birt kostaða færslu á umræddri síðu. Það sé tæpum fjórum vikum eftir að hann sagði sig úr Miðflokknum og hafi gengið í kosningateymi Höllu Hrundar Logadóttur, oddvita Framsóknar í kjördæminu. Þá er birt mynd því til staðfestingar að það hafi sannarlega verið Tómas Ellert sem birti færsluna í nafni Miðflokksins í Suðurkjördæmi. „Miðflokkurinn í Suðurkjördæmi lítur málið alvarlegum augum. Tómas Ellert hefur verið fjarlægður af Facebook síðunni en annir í kosningabaráttu höfðu komið í veg fyrir að kjördæmafélagið gengi fyrr í málið. Miðflokkurinn treystir fólki og Tómas Ellert brást því trausti í kvöld,“ segir í færslunni. Í færslunni er innihald bréfs Kára til Snorra rakið, en þar segir einnig að Tómas hafi ekki látið sér nægja að deila bréfinu, heldur hafi hann kostað færsluna sérstaklega til að auka dreifingu hennar. „Leitt er að sjá fyrrum samflokksmann til margra ára, kjörinn fulltrúa og frambjóðanda sigla undir fölsku flaggi á vettvangi þar sem hann áður gegndi trúnaðarstörfum.“ Gengst við því að hafa birt færsluna Tómas Ellert lætur sitt ekki eftir liggja og svarar fyrrum samherjum sínum í Miðflokknum fullum hálsi, í athugasemd við færsluna. Sú athugasemd er samhljóða færslu sem Tómas birtir á sinni eigin Facebook-síðu. „Hér var enginn að sigla undir fölsku flaggi þar sem að mér er fullkunnugt um að nafn þess aðila sem að kostar auglýsingu á FB mun sjást. Það ætti ég nú að vita hafandi kostað auglýsingar á þessari síðu í bráðum átta ár og kostað úr mínum vasa fyrir hundruðir þúsunda,“ skrifar Tómas Ellert. Hann líti það sjálfur alvarlegum augum að hans fyrrum félagar séu „illa áttaðir“ og fylgist ekki með því sem gerist í kringum þá. „Þingflokkurinn mætir ekki í atkvæðagreiðslur á þingi og veit ekkert hvað hefur verið samþykkt þar og ekki mættu þeir sem framboðslistann skipa í Suðurkjördæmi, einu sinni við skóflustungu á nýju Selfossbrúnni.“ „Ekki traustsins verðir“ Tómas heldur áfram og segist aðeins hafa viljað setja bréf Kára til Snorra á síðuna svo hægt væri að láta þann síðarnefnda vita af tilvist þess, þar sem svo virtist sem allt færi fram hjá Miðflokksmönnum þessa dagana. „[Meira að segja] að oddviti eins listans ykkar er á öndverðri skoðun við það sem þið hafið áður látið frá ykkur varðandi landbúnaðarmál þó hún sé sammála ykkur um að vera tilbúnir að selja Landsvirkjun (það hefur ekki komið leiðrétting frá ykkur varðandi það atriði á síðu viðskiptaráðs svo það heldur líklegast). Annað vakti nú ekki fyrir mér elsku ljúflingarnir mínir og krútt.“ Tómas lætur stutta eftirskrift fylgja athugasemd sinni: „Það er nú varla hægt að bregðast trausti þess eða þeirra sem eru ekki traustsins verðir.“
Miðflokkurinn Framsóknarflokkurinn Alþingiskosningar 2024 Auglýsinga- og markaðsmál Suðurkjördæmi Tengdar fréttir „Girtu þig nú í brók og horfstu í augu við sjálfan þig“ Kári Stefánsson segir Snorra Másson, oddvita Miðflokksins í Reykjavíkurkjördæmi suður, vera búinn að koma sér út í erfiðar aðstæður. Snorri sé í flokki hverra stefnumál honum mislíkar og eigi erfitt með að horfast í augu við sjálfan sig. 25. nóvember 2024 18:05 Mest lesið Vísbendingar um að síðasta vígið sé fallið Innlent Klara Baldursdóttir er látin Innlent Konan sem féll í Brúará er látin Innlent Deilurnar halda áfram og Musk boðar „Ameríkuflokkinn“ Erlent „Erum ekki dúkkur sem Snorri getur sagt fyrir verkum“ Innlent Fimm frumvörp fjögurra ráðuneyta samþykkt Innlent Kýldi konu eftir kynmök: „Hvað, getur þú ekki meira?“ Innlent Aftur logar eldur í Læradal Erlent „Ef þetta gengur vel mun hún eignast allan bátinn“ Innlent Glittir í endurkomu sumarsins Veður Fleiri fréttir Norðurlandamót í Bridge á Laugarvatni alla helgina Yfirfara þurfi öryggismál við Brúará Enn eitt banaslysið í Brúará, landvinningar lúsmýs og þungarokkshátíð Vísbendingar um að síðasta vígið sé fallið „Ef þetta gengur vel mun hún eignast allan bátinn“ Konan sem féll í Brúará er látin Fimm frumvörp fjögurra ráðuneyta samþykkt Klara Baldursdóttir er látin Þyrla Landhelgisgæslunnar kölluð út vegna göngumanns „Kraftmiklar og afgerandi aðgerðir gegn skipulagðri brotastarfsemi“ „Þegar fjármagnið klárast, þá klárast líka aðgengið“ Hressar og skemmtilegar systur með geitur á Geysi Loka hluta útsýnispallsins vegna aurskriðu Sjávarútvegurinn standi höllum fæti Starfsáætlun Alþingis felld úr gildi Höggin dynji á sjávarútveginum og áhugi kvenna á iðnstörfum minnkar Erlendur ferðamaður féll í Brúará Ein á móti rýmkuðu sorgarleyfi „Erum ekki dúkkur sem Snorri getur sagt fyrir verkum“ Kýldi konu eftir kynmök: „Hvað, getur þú ekki meira?“ Missti nánast sjónina þegar sláttuorf skaut steini í annað augað Mál áfengisverslananna komin til ákærusviðs, aftur Frumvarp um farþegalista samþykkt Kolbrún segir gesti nefndarinnar handbendi minnihlutans Löng bílaröð meðan hæðarslá er lagfærð Öllum sagt upp: „Ekkert verið að hugsa um félagsmiðstöðvastarf“ Launahækkunin mun fara í gegn en kerfið endurskoðað í haust Búa sig undir margmenni á Hengil Ultra Ásthildur Lóa skammar þingheim Íbúar leiti réttar síns vegna flautsins: „Þetta er lýðheilsuógn“ Sjá meira
„Girtu þig nú í brók og horfstu í augu við sjálfan þig“ Kári Stefánsson segir Snorra Másson, oddvita Miðflokksins í Reykjavíkurkjördæmi suður, vera búinn að koma sér út í erfiðar aðstæður. Snorri sé í flokki hverra stefnumál honum mislíkar og eigi erfitt með að horfast í augu við sjálfan sig. 25. nóvember 2024 18:05