Margir al­var­lega slasaðir á skíða­svæði á Spáni

Slysið varð á skíðasvæðinu í Astún í Pýreneafjöllum, milli Spánar og Frakklands.

Í frétt el Pais segir að fimm þyrlur og tugir sjúkrabíla hafi verið sendir á vettvang. Skíðasvæðinu hefur verið lokað og nærliggjandi sjúkrahús voru sett í viðbragðsstöðu.

El Mundo segir að vír lyftunnar hafi losnað úr festingum vegna bilunar í snúningshjóli lyftunnar. Við það féllu fjölmargir úr stólum lyftunnar og eru að minnsta kosti þrjátíu sagðir slasaðir og þar af sautján alvarlega.

Þétt var setið í lyftunni þar sem gott veður er á svæðinu og nægur snór.

Fréttin hefur verið uppfærð.