Úr­hellis­rigning á Vestur­landi

Á vef Veðurstofunnar kemur fram að síðan á hádegi í gær hafi til dæmis mælst 140 mm úrkoma í Grundarfirði og 55 mm í Ólafsvík.

Vegna úrhellisrigningar hefur gula viðvörun verið gefin út fyrir Breiðafjörð fram á kvöld. Á Norðausturlandi er hins vegar spáð þurrviðri.

Hiti verður á bilinu fjögur til sjö stig. Dregur úr vindi í kvöld og frystir á Vestfjörðum.

„Á morgun verður austlæg átt 5-10 m/s. Dálítil rigning eða súld öðru hverju í flestum landshlutum, en lengst af þurrt norðanlands. Hiti 2 til 6 stig. Fer að hvessa um kvöldið.

Á miðvikudag verður austan og suðaustan 10-18 m/s, hvassast í vindstrengjum við fjöll suðvestantil. Lítilsháttar væta um landið sunnan- og austanvert landið, en léttir til fyrir norðan og vestan. Hiti 2 til 6 stig, en víða nálægt frostmarki norðaustanlands og á Vestfjörðum,“ segir í hugleiðingum veðurfræðings.

Veðurhorfur á landinu næstu daga

Á þriðjudag: Austlæg átt 3-10 m/s, lítilsháttar rigning eða súld og 5 stiga hiti á sunnanverðu landinu, en bjart og hiti nálægt frostmarki fyrir norðan.

Á miðvikudag: Austan- og suðaustan 10-15 m/s og dálítil rigning eða súld, en úrkomumeira suðaustantil. Hægara og lengst af þurrt fyrir norðan. Hiti 2 til 7 stig, en vægt frost norðantil.

Á fimmtudag: Austlæg átt 10-18 og rigning eða slydda með köflum, en úrkomulítið fyrir norðan. Hiti breytist lítið.

Á föstudag: Ákveðin austlæg átt. Rigning með köflum sunnanlands, slydda eða snjókoma fyrir austan, en úrkomulítið norðantil. Hiti um eða undir frostmarki, en allt að 5 stigum sunnan- og vestanlands.

Á laugardag: Austanátt og dálítil rigning eða slydda á sunnan- og austanverðu landinu, en þurrt að kalla norðanlands. Léttir til á Vesturlandi seinnipartinn. Hiti breytist lítið.

Á sunnudag: Útlit fyrir austlæga átt. Dálítil væta sunnan- og austantil, annars skýjað með köflum. Frost 0 til 5 stig, en frostlaust sunnanlands.