Innlent

Fyrsta skemmti­ferða­skip ársins komið til hafnar

Jón Ísak Ragnarsson skrifar
Fyrsta skemmtiferðaskip ársins kom til hafnar í Reykjavík í vikunni.
Fyrsta skemmtiferðaskip ársins kom til hafnar í Reykjavík í vikunni. Faxaflóahafnir

Fyrsta skemmtiferðaskip ársins kom til Reykjavíkur í gærkvöldi þegar skipið Le Commandant Charcot kom til hafnar. Bókaðar eru 237 skipakomur til Faxaflóahafna sem eru 22 færri skipakomur en voru árið 2024.

Þetta kemur fram í tilkynningu Faxaflóahafna. Þar segir að skipið sé skýrst í höfuðið á hinum fræga franska vísindamanni Jean-Baptiste Étienne Auguste Charcot.

Var það að koma frá Grænlandi og heldur þangað aftur með nýja farþega sem stigu um borð í Reykjavik.

Hlé verður á skipakomum þangað til í byrjun maí þegar Norwegian Pearl kemur til hafnar fyrsta maí. Síðasta skip sem bókað er í Faxaflóahöfn í ár kveður svo höfnina þann 28. október. Síðasta skip ársins er einnig nefnt eftir öðrum fræknum landkönnuði, Vasco da Gama.

„Le Commandant Charcot er knúið fljótandi jarðgasi (e. Liquefied Natural Gas) sem gerir skipið með umhverfisvænni skipum í skemmtiferðaskipaflotanum. Gasflutningaskip kom til landsins frá Svíþjóð til að dæla jarðgasi á Charcot og er það mikið gleðiefni fyrir Faxaflóahafnir að geta boðið upp á aðstöðu fyrir það.“

Faxaflóahafnir
Skemmtiferðaskip á Íslandi Ferðaþjónusta Reykjavík Hafnarmál

Tengdar fréttir

Veruleg fækkun skemmtiskipa á Vestfjörðum í sumar

Heimamenn á Ísafirði hafa miklar áhyggjur af fækkun skemmtiferðaskipa í bæjarfélagið í sumar vegna nýs innviðagjalds, sem hefur verið sett á farþega skipanna. Síðasta sumar komu um tvö hundruð skemmtiferðaskip á Ísafjörð en þau verða ekki nema um eitt hundrað í sumar.

Mest lesið


Fleiri fréttir

Sjá meira


×

Mest lesið