Orri Freyr gerði sér lítið fyrir og skoraði 11 mörk þegar Sporting lagði Ágúas Santas Milaneza með eins marks mun á útivelli, lokatölur 29-30. Orri Freyr var markahæstur allra á vellinum. Sporting er ríkjandi bikarmeistari og á því titil að verja.
Þorsteinn Leó Grétarsson lék ekki með Porto vegna meiðsla þegar liðið lagði Marítimo Madeira Andebol með fjögurra marka mun, 31-27, og tryggði sér einnig sæti í undanúrslitum.
