Rótarý hreyfingin á Íslandi skipuleggur daginn með aðstoð og atfylgi Landsvirkjunar og Umhverfis-, orku- og loftslagsráðuneytisins, að því er kemur fram í fréttatilkynningu.
Langflest sveitarfélög landsins taka þátt í verkefninu, þá nýtir fjöldi fyrirtækja daginn og dagana í kring til að taka til hendinni og sama á við um hverfa- og félagasamtök ýmiskonar. Þá segir að í ár stefni í algjöra metþátttöku enda veðurguðirnir sérstaklega hliðhollir plokkinu.
Diskósúpa fyrir þátttakendur
Björn Skúlason, eiginmaður Höllu Tómasdóttur forseta Íslands, mun setja Stóra plokkdaginn í stað forsetans sem verður vant við látin á leið heim í útför Frans páfa. Með honum verða Jón Karls Ólafsson forseti Rótarý umdæmisins á Íslandi og Elín Birna Bjarnfinnsdóttir plokkari frá Eyrabakka. Elín vann til verðlauna hjá sveitarfélaginu Árborg í fyrra fyrir framlag sitt til fegrunar sveitarfélagsins en hún plokkar allt árið um kring og losar náttúruna við óendanlega mikið magn af plasti og rusli.
Plokkið hefst klukkan tíu og stendur til tólf og samtök gegn matarsóun bjóða öllum þátttakendum upp á Diskósúpu að verki loknu. Þá eru opnir plokk viðburðir um allt land um alla helgina.
„Það stefnir í einmuna blíðu á morgun um nánast allt land, hæglætisveður veður, sól og víða tveggja stafa hitatala. Segir Einar Bárðarson upphafsmaður Stóra Plokkdagsins og skipuleggjandi.
„Við hvetum öll til þátttaöku í Stóra plokkdeginum, hvort sem það eru í smáu eða stóri framlagi. Margt smátt gerir eitt stórt og samtaka máttur okkur getur verið alveg gríðarlegur þegar á reynir.“
