Veitinga­maður á­kærður fyrir hundrað milljóna skatt­svik

Í ákæru, sem fréttastofa hefur undir höndum, er Stefáni gefið að sök að hafa ekki staðið í skilum á opinberum gjöldum sem haldið var eftir af launum starfsmanna hjá Steik frá 2020 til 2022, en þau eiga að hafa hljóðað upp á samtals 32,7 milljónir króna.

Steik rak veitingastaðinn Reykjavík MEAT, sem eins og nafnið gaf til kynna var steikhús í Reykjavík.

Ákæruliðurinn sem varðar Gourmet er orðaður með svipuðum hætti, en varðar tímabil frá 2021 til 2023. Þar er Stefán ákærður fyrir að skattsvik sem hljóða upp á samtals 68,3 milljónir króna. Gourmet rak veitingastaðinn Sjáland í Garðabæ.

Samtals hljóða hin meintu svik upp á 101 milljón króna.

Það er héraðssaksóknari sem höfðar málið á hendur Stefáni. Þess er krafist að hann verði dæmdur til refsingar og greiðslu alls skakarkostnaðar.