„Ótrú­legt að við höfum unnið þennan leik“

„Þetta er náttúrulega bara geggjað, við höfum upplifað þá nokkra svona í vetur. Aðalatriðið í dag er að við stóðum uppi sem sigurvegarar og ég er ógeðslega ánægður með okkur.

Við erum 2-0 yfir í einvíginu en hefðum líka alveg getað verið 2-0 undir. Þetta eru bara tvö jöfn lið og við höfum náð að klára þessa leiki á lokametrunum í báðum þessum leikjum. Mér þykir þetta reyndar vera alveg stórkostlegt afrek að vinna hér í kvöld, auðvitað bjóst maður ekki við því að vera tvö núll yfir en það er bara staðan og við erum ánægðir með það.“

Spurður út í leik liðsins svarar Einar að liðið hafi leikið mjög vel í seinni hálfleik og hrósar vörn og Markvörslu sérstaklega.

„Eiginlega allur seinni hálfleikur er bara frábær hjá okkur. Breki kemur hrikalega flottur í markið og Arnór var frábær í fyrri hálfleik. Vörnin var svo alveg geggjuð í seinni hálfleik. Við vorum bara drullu góðir eiginlega bara allan seinni hálfleikinn. Bjöggi ver tvö eða þrjú dauðafæri í lokin og heldur þeim bara inni í leiknum með því. Við vorum bara frábærir held ég. Segir Einar sem er greinilega enn að jafna sig á þessu glæsilega sigri.“

En hvernig voru taugarnar þarna í lokin?

„Þetta er bara eins og venjulega en ég var þannig séð bara rólegur. Mér þykir eiginlega ótrúlegt að við höfum unnið þennan leik. Ef að við hefðum tapað þá hefðum við bara tapað og næsti leikur. Við gerðum allt sem að við gátum og uppskárum eftir því sem betur fer.“

Nú er það næsta að undirbúa liðið fyrir leik þar sem með sigri þá getur liðið orðið Íslandsmeistari, hversu erfitt verkefni verður það að ná að halda mönnum á jörðinni?

„Ég held að verkefni hjá Val sé miklu erfiðara heldur en okkar verkefni. Þannig að við förum inn í þann leik með sama hætti og við höfum gert. Við munum bara einbeita okkur að því sem er að gerast inn á vellinum og ef við vinnum þann leik þá erum við Íslandsmeistarar og þá er það auðvitað bara geggjað. Ef ég á að vera hreinskilinn þá bara veit ég ekki neitt hversu erfitt það verður. Þetta er bara næsti leikur og áfram gakk.“

Theodór Sigurðsson skoraði ótrúlegt mark á loka andartökum fyrri hálfleiks. Valur var í sókn og tóku skot þegar örfáar sekúndur voru eftir sem vörn Fram tók. Boltinn barst langt aftur á völlinn og Theodór var vel vakandi og náði boltanum á undan Björgvini Pál sem hafði farið að bekkjunum og eftirleikurinn auðveldur.

„Þetta er náttúrulega markið sem skilur liðin að. Mér fannst þetta bara geðveikt hjá honum enda hljóp ég hérna inn á eftir þetta. Ég er nú ekki vanur því að hlaupa inn á völlinn og fagna mikið. Það eru svona atriði sem skilja oft á milli. Hann elti þennan bolta á meðan einhverjir hefðu ekki elt hann og farið beint í seinni hálfleik. Allt svona telur og þetta er hluti af því sem við höfum verið að tala um í vetur að við viljum standa fyrir að svona atvik geta oft skilið á milli og að einhverju leiti þá gerði það það í kvöld.“