Viðskipti innlent

134 sagt upp í þremur hóp­upp­sögnum

Atli Ísleifsson skrifar
Unnur Sverrisdóttir er forstjóri Vinnumálastofnunar.
Unnur Sverrisdóttir er forstjóri Vinnumálastofnunar. Vísir/Einar

Alls var 134 manns sagt upp í þremur hópuppsögnum í nýliðnum maímánuði.

Þetta kemur fram í tilkynningu á vef Vinnumálastofunar. Þar segir að tuttugu starfsmönnum hafi verið sagt upp hjá fyrirtæki á sviði heilbrigðisþjónustu, áttatíu starfsmönnum á sviði framleiðslu á kísil og loks 34 starfsmönnum á sviði matvæla.

Veistu meira um málið? Sendu okkur ábendingu á ritstjorn@visir.is. Fullum trúnaði er heitið.

Þeir áttatíu sem saft var upp hjá fyrirtæki sem starfar við framleiðslu á kísil, störfuðu hjá PCC Bakka, en í síðasta mánuði var tilkynnt um tímabundna rekstrarstöðvun verksmiðjunnar á Húsavík, frá og með miðjum júlí.

Uppsagnirnar koma flestar til framkvæmda á tímabilinu apríl til maí 2025.

Með hópuppsögn er átt við uppsagnir atvinnurekanda á fastráðnum starfsmönnum þar sem fjöldi starfsmanna sem sagt er upp á þrjátíu daga tímabili er að minnsta kosti 10 starfsmenn í fyrirtækjum sem venjulega hafa 21-99 í vinnu, minnst 10 prósent starfsmanna í fyrirtækjum með 100-299 í vinnu eða minnst 30 starfsmenn þar sem venjulega eru 300 eða fleiri.






Fleiri fréttir

Sjá meira


×