Króli og Birta eiga von á barni

Parið greinir frá þessu á samfélagsmiðlum þar sem þau segjast eiga von á barninu í desember.

„Ástoggleði.is,“ bæta þau við færsluna en Birta og Kristinn trúlofuðu sig í desember.

Króli gerði garðinn frægan í rapptvíeyki með tónlistarmanninum Jóapé, og urðu þeir landsþekktir á einni nóttu þegar þeir gáfu út lagið B.O.B.A. árið 2017. Síðan þá hefur Króli fengist við tónlist og leiklist, en hann er í dag útskrifaður leikari.

Birta Ásmundsdóttir er dansari og listakona. Var hún nýlega tilnefnd til Grímuverðlauna í flokki dansara ársins fyrir verk sitt „When a duck turns 18 a boy will eat her“.