Veltir því fyrir sér hvort „24 klukku­tíma reglan“ lifi af vista­skiptin

Frank hefur verið að gera flotta hluti með Brentford en fær nú það krefjandi verkefni að koma hlutunum í lag hjá Tottenham.

Spekingar hafa verið fljótir að benda á það að Tottenham mun nú spila miklu fleiri leiki en Frank er vanur.

Undir hans stjórn spilaði Brentford 43 leiki á síðasta tímabili en leikirnir voru aftur á móti sextíu hjá Tottenham,

Jay Harris, sem skrifar um Tottenham fyrir Athletic, velti því fyrir sér hvort „24 klukkutíma regla“ Thomas Frank lifi af vistaskiptin. Hann ræddi málin í morgunþætti BBC 5.

Frank hefur þá reglu að gefa leikmönnum sólarhring til að melta úrslit hvers leiks, annað hvort að fagna sigri eða þá að svekkja sig yfir tapi. Upplifa allar þær tilfinningar sem úrslitin kalla á.

„Ég held að Frank hafi smá reynslu úr Evrópu með Bröndby, sem er frá Danmörku, en ég held samt að hann hafi aðeins komið þeim í undankeppni Evrópudeildarinnar. Þetta verður ný reynsla fyrir hann,“ sagði Jay Harris um það að Frank sé að fara með liðið í Meistaradeildina.

„Ég er viss um það að Thomas Frank mun segja að hann hafi stýrt Brentford í b-deildinni þar sem eru spilaði 46 leikir á tímabili en það verður stutt á milli leikja hjá Tottenham. Ég held að Brentford hafi spilað 43 leiki á síðasta tímabili en Tottenham spilaði sextíu,“ sagði Harris.

„Thomas hefur sagt það áður að hann er með þessa 24 klukkutíma reglu þar sem hann gefur sjálfum sér og leikmönnum sínum tíma til að vinna sig út úr úrslitum síðasta leiks. Ég veit ekki hvort hann hafi hreinlega tíma til þess þegar Spurs er að spila í Meistaradeildinni,“ sagði Harris.