Kastrup opnar á ný eftir karp við heil­brigðis­eftir­litið

Veitingastaðurinn opnaði með litlum fyrirvara í gær eftir að heilbrigðiseftirlitið tók mál staðarins fyrir á afgreiðslufundi í gær, að sögn Ólafar Skaftadóttur ráðgjafa sem hefur aðstoðað nýja eigendur við að opna staðinn á ný.

Jón Ásgeir Jóhannesson og Ingibjörg Stefanía Pálmadóttir, sem reka 101 Hótel í sama húsnæði, eru nýir rekstraraðilar Kastrup. 

Þau ráku sig á vegg í regluverkinu; þegar nýr starfsleyfishafi tekur við starfsleyfisskyldum rekstri þarf samkvæmt reglum að auglýsa drög að starfsleyfi, jafnvel þó engar breytingar verða á starfseminni. Hver sem er gat því sent inn kvörtun við leyfisveitinguna og þá hafði eftirlitið fjórar vikur til að vinna úr þeim. Að þeim tíma liðnum gætu veitingamenn svo þurft að bíða í allt að fjórar vikur eftir að endanleg ákvörðun verði tekin. Þetta tafði verulega fyrir opnuninni.

Jóhann Páll Jóhannsson, umhverfis orku- og lofstslagsráðherra, sagði í samtali við fréttastofu í gær að búið væri að afnema umrædda reglugerð í síðustu viku. 

Hann sagði að til stæði að létta um frekara regluverk sem hefur gert veitingamönnum í Reykjavík lífið leitt enda hafa fleiri veitingahús þurft að þola bið, þar á meðal rekstraraðilar Starbucks og Hygge.