Lífið

„Þetta var eins og draumur sem ætlaði aldrei að taka enda“

Nanna Guðrún Sigurðardóttir skrifar
Þjóðhátíð á Þingvöllum
Þjóðhátíð á Þingvöllum RAX

Árið 1974 fékk RAX það verkefni að ljósmynda þriggja daga þjóðhátíð sem haldin var á Þingvöllum í tilefni 1100 ára byggðar á Íslandi. Hann var aðeins 16 ára gamall og verkefnið var risavaxið í hans augum. „Ég vildi ekki bregðast svo ég tók myndir af öllu.“ Sagði RAX um reynsluna.

Heilmikil dagskrá var á þjóðhátíðinni og hljómsveitir og kórar fluttu tónlist fyrir hátíðargesti.RAX

Stærsti viðburður hátíðarinnar var þegar ráðamenn landsins ásamt erlendum gestum gengu niður Almannagjá og héldu svo ræður á Þingvöllum þar sem rökrætt var á öldum áður.

„Þetta var eins og að upplifa Íslandssöguna frá upphafi“ Sagði RAX um það að verða vitni að viðburðinum.

Fólk og fyrirmenni sitja saman á Þingvöllum.RAX

RAX reyndi að láta lítið fyrir sér fara en þurfti að fara upp á svið til þess að ná myndum af þeim sem þar sátu og fóru með ræður.

Halldór Laxness var á meðal ræðumanna.RAX
Kristján Eldjárn forseti og forsetafrúin Halldóra Eldjárn voru meðal heiðursgesta.RAX

Um það bil fjórðungur þjóðarinnar á þessum tíma, u.þ.b. 60.000 manns, sóttu hátíðina og þar mátti sjá ýmsar týpur.

Óli blaðasali var áberandi týpa í miðbæ Reykjavíkur á þessum tíma. Hann lét sig ekki vanta.RAX
Einn af viðburðum hátíðarinnar var fimleikasýning.RAX

Þáttinn um þjóðhátíðina á Þingvöllum má sjá í spilaranum hér fyrir neðan.

Klippa: RAX - Þjóðhátíð á Þingvöllum

Tengdar sögur: 

Leiðtogafundurinn í Höfða

Á leiðtogafundinum í Höfða árið 1986 var RAX í hópi fjölmiðlafólksins á staðnum. Hann tók þar eftirminnilegar myndir af Mikhail Gorbachev, leiðtoga Sovétríkjanna og Ronald Reagan, forseta Bandaríkjanna.

Klippa: RAX Augnablik - Leiðtogafundurinn í Höfða

Axel á Gjögri

RAX smellti mynd af Axel á Gjögri, þar sem hann sat í bátnum sínum . RAX fann það strax að það væri eitthvað einstakt við myndina sem hann tók af Axel og Týra í fjörunni og átti hún eftir að hafa mikil áhrif á hans feril sem ljósmyndari.

Klippa: RAX Augnablik - Axel á Gjögri
RAX Ljósmyndun Menning


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.