Hádramatík eftir að Willum kom inn á

Óhætt er að segja að útlitið hafi verið svart fyrir Willum og félaga í leik dagsins, en liðið var 1-0 undir þegar Willum kom inn af varamannabekknum á 88. mínútu.

Jay Stansfield jafnaði hins vegar metin fyrir liðið með marki úr vítaspyrnu á síðustu mínútu venjulegs leiktíma áður en Lyndon Dykes tryggði Birmingham hádramatískan sigur með marki á áttundu mínútu uppbótartíma.

Þá voru fleiri Íslendingar í eldlínunni í ensku neðri deildunum í dag. 

Stefán Teitur Þórðarson kom inn á sem varamaður er Preston vann 2-1 sigur gegn Leicester og í C-deildinni var Guðlaugur Victor Pálsson í byrjunarliði Plymouth sem mátti þola 3-2 ósigur gegn Lincoln.