Bein útsending: Ársfundur Grænvangs - Samstarf til framtíðar

Atli Ísleifsson skrifar 3. september 2025 13:31

Fundurinn hefst klukkan 14 og stendur til klukkan 16.

„Samstarf til framtíðar - öflugra Ísland“ er yfirskrift ársfundar Grænvangs sem fram fer í dag. Fundurinn fram fram í Grósku milli klukkan 14 og 16 og verður hægt að fylgjast með í beinu streymi.

Í tilkynningu segir að á tímum örra breytinga og nýrra tækifæra standi til að ræða hvernig kraftmikið samstarf stjórnvalda og atvinnulífs geti lagt grunninn að samkeppnishæfni til framtíðar, öruggu orkukerfi og markvissum loftslagslausnum.

„Fundurinn verður vettvangur fyrir hugmyndaauðgi, hagnýtar lausnir og innblástur til að takast á við áskoranir morgundagsins – saman.“

Hægt er að fylgjast með fundinum í spilaranum að neðan.

Dagskrá

Sigurður Hannesson, framkvæmdastjóri Samtaka iðnaðarins og formaður stjórnar Grænvangs, býður gesti velkomna.

Samtal við Höllu Tómasdóttur, forseta Íslands og verndara Grænvangs.

„Crisis mindset: Learnings from the Danish National Energy Crisis Staff“. Nana Bule, fyrrum forstjóri Microsoft í Danmörku, segir frá samstarfshópi stjórnvalda og atvinnulífs, „Mere sol og vind på land,“ sem var 9 mánaða átaksverkefni sem hún stýrði og skilaði 27 tillögum til ríkisstjórnar Danmerkur í orkumálum. Hægt er að lesa meira um verkefnið hér

„The Danish Road for Making CCS a Reality: How the Danish Learnings Can Contribute to Iceland's CCS Strategy“. Katrine Thomsen, deildarstjóri rannsókna og jarðlaga hjá loftslags-, orku- og veituráðuneyti Danmerkur, segir okkur frá langtíma markmiðum og stefnumótun danska ríkisins í kolefnisstjórnun.

Hringborðsumræður þar sem íslensk áhrifafólk mun velta upp spurningum eins og hvert við erum komin í grænu umbreytingunni og hvert við stefnum? Hvað getum við íslendingar lært af öðrum? Hvernig við tryggjum samkeppnishæfni samhliða grænni umbreytingu? Hvernig tryggjum við samstarf og samtal atvinnulífs og stjórnvalda um málaflokkinn? Þátttakendur í hringborðsumræðunum verða:

Jóhanna Klara Stefánsdóttir, sviðsstjóri mannvirkjasviðs hjá Samtökum iðnaðarins

Jóna Bjarnadóttir, framkvæmdastjóri samfélags og umhverfis hjá Landsvirkjun

Sigríður Margrét Oddsdóttir, framkvæmdastjóri Samtaka atvinnulífsins

Sveinbjörn Finnsson, aðstoðarmaður ríkisstjórnarinnar

Sveinn Margeirsson, framkvæmdastjóri nýsköpunar og loftslagsmála hjá Brim

Nótt Thorberg, forstöðumaður Grænvangs, mun stýra umræðum

Jóhann Páll Jóhannsson, umhverfis-, orku- og loftslagsráðherra, flytur lokaorð.

Fundarstjóri verður Hans Orri Kristjánsson, verkefnastjóri hjá Grænvangi.

Um Grænvang

Grænvangur er samstarfsvettvangur atvinnulífs og stjórnvalda sem stuðlar að framþróun í loftslagsmálum og grænum lausnum. Við hvetjum til samtals og þverfaglegs lausnamiðaðs samstarfs svo samtakamáttur náist um farsælustu leiðirnar í átt að kolefnishlutleysi og sjálfbæru Íslandi.

Grænvangur var stofnaður árið 2019 sem samstarfsvettvangur atvinnulífs og stjórnvalda um loftslagsmál og grænar lausnir. Bakland Grænvangs samanstendur af íslenskum stjórnvöldum og leiðtogum atvinnulífsins í loftslagsmálum. Hlutverk Grænvangs er að efla samstarf atvinnulífs og stjórnvalda við að draga úr losun gróðurhúsalofttegunda og styðja við markmið um kolefnishlutlaust Ísland árið 2040. Grænvangur leiðir saman íslensk fyrirtæki og stjórnvöld í innlendum aðgerðum til að ná því sameiginlega markmiði. Auk þess styður Grænvangur við útflutning grænna lausna frá Íslandi með markaðsverkefninu Green by Iceland.

Loftslagsmál

Mest lesið

Fleiri fréttir