„Svekkjandi að tapa en þetta var ó­trú­lega góður leikur“

„Það var auðvitað mjög svekkjandi að tapa en þetta var ótrúlega góður leikur og sýndi hversu vel við höfðum undirbúið okkur og að við eigum að minnsta kosti bullandi séns í þriðja sætið,“ sagði Sif, markvörður ÍR, eftir naumt tap liðsins í dag.

Sif var ánægð með frammistöðu liðsins og sagði að liðið gæti tekið mikið úr þessum leik.

„Mér leið mjög vel í leiknum og ég er sátt með mína frammistöðu en það er auðvitað svekkjandi að tapa leiknum.“

„Við getum tekið mikið úr þessum leik. Þessi frammistaða gefur okkur helling, Valur er langbesta liðið og þær eru búnar að vera yfirburða bestar lengi. Að við höfum unnið þær einu sinni á tímabilinu og töpum í dag með einu marki gefur okkur sjálfstraust fyrir framhaldið.“