Gjör­breytti í­búðinni með einni til­færslu

Þannig var hún komin með þrjú herbergi og töff eldhús í stofunni sem þrælvirkar. Vala Matt fór fyrir Ísland í dag og skoðaði breytingarnar hjá Andreu.

„Ég bætti eiginlega við búrskápana. Og notaði samt svo bara neðri einingar og bjó til eyju. Þannig að búrskáparnir eru eiginlega bara það nýja,“ segir Andrea og heldur áfram.

„Ég lét síðan gera sem sagt svona lítið kaffihornið úr hliðareiningum úr eik. Svo ákvað ég bara að setja upp veggljós. Ég vildi enga efri skápa því mér finnst þeir þyngja svolítið.“

Eitt ákveðið borð heima hjá Andreu hefur mikla sögu.

„Ég fann borðstofuborð í Góða hirðinum og ég bara sagaði það í sundur og hækkaði fæturna. Það voru svona skrautfætur og ég þurfti bara að sneiða saman kúlurnar. Þannig að þá var ég komin með svona sætt gangaborð,“ segir Andrea en hér að neðan má sjá innslagið í heild sinni.