Armar byggir á traustum grunni og horfir til fram­tíðar

„Armar er í dag stærsta leigufyrirtæki í byggingariðnaði á Íslandi og hefur byggt upp sterka stöðu með fjölbreyttum tækjakosti og þjónustu sem nær um allt land,“ segir Ævar Þór Ólafsson hjá Örmum. „Frá því að vera með einn glussakrana árið 1999 hefur fyrirtækið vaxið í að reka flota sem telur um 1.000 vélar, allt frá vinnulyftum og lyfturum yfir í rafstöðvar og sérhæfðar vélar fyrir byggingar- og framkvæmdaaðila.“

Frá einum krana í heilan vélagarð

Saga Arma er í raun klassískt dæmi um íslenskan vöxt byggðan á þörf markaðarins. Þegar fyrirtækið hóf starfsemi voru verkefnin einföld og vélakosturinn takmarkaður. En eftir því sem framkvæmdir jukust og kröfurnar urðu meiri, fylgdi Armar eftir með fjárfestingum og þróun.

Armar er í dag stærsta leigufyrirtæki í byggingariðnaði á Íslandi og hefur byggt upp sterka stöðu með fjölbreyttum tækjakosti og þjónustu sem nær um allt land.

Þannig voru á árunum 2008-2013 stofnuð þrjú systurfélög. Fyrst Armar Mót og kranar árið 2008 sem er í dag leiðandi í útleigu og sölu á búnaði til bygginga- og steypuframkvæmda. Næst bættist við Armar Jarðvélar árið 2010 sem leigir út stórar beltagröfur, hjólagröfur, jarðýtur, valtara og búkollur. Árið 2013 stækkaði Armar enn frekar þjónustusvið sitt með því að bjóða einnig bíla til leigu undir merkjum Armar Bílar. Starfsemi félagsins beinist þó ekki að ferðaþjónustu en flestir bílarnir eru sérútbúnir til að nýtast verktökum við störf um allt land, jafnvel þar sem aðstæður eru erfiðar.

„Þessi þrjú félög, ásamt Örmum Vinnulyftum, mynda því öfluga heild þar sem viðskiptavinir geta fengið nánast allt sem þarf fyrir framkvæmd á einum stað. Hvort sem um er að ræða lyftu fyrir málningarverkefni, gröfu fyrir jarðvinnu eða sérútbúinn bíl til að komast á afskekktar slóðir, þá er líklegt að Armar hafi lausnina,“ bætir Ævar við.

„Þjónustan, ekki spurning“

En hvað er það sem raunverulega aðgreinir Arma frá öðrum? Aðspurður segir Ævar að svarið sé einfalt: „Þjónustan, ekki spurning. Frá pöntun til skila.“

Viðskiptavinir geta pantað vélar annaðhvort í gegnum vefinn eða með símtali þar sem þeir fá jafnframt ráðleggingar um hvaða vél hentar best. Þetta er kannski lykilatriði sem ekki má vanmeta því að velja rétta vél getur sparað bæði tíma og peninga.

Að pöntun lokinni tekur við skilvirkt ferli þar sem fjórir útkeyrslubílar sjá um afhendingar. Þó að best sé að panta með fyrirvara segir Ævar að fyrirtækið sé þekkt fyrir að bregðast hratt við þegar eitthvað kemur upp á.

Öryggi í forgangi

Á undanförnum árum hafa öryggismál orðið sífellt meira áberandi í byggingariðnað og þar hefur Armar fylgt þróuninni eftir. „Fyrirtæki eru farin að leggja miklu meiri áherslu á öryggismál og nota í auknum mæli lyftur og lyftitæki til að koma í veg fyrir hugsanleg líkamstjón, t.d. við fallhættu,“ segir Ævar.

Þetta endurspeglast líka í starfsemi Arma. Allar vélar fara reglulega í yfirferð og viðhald og ef eitthvað kemur upp á eru þjónustubílar og sérfræðingar sendir á staðinn. Fyrirtækið rekur einnig sprautuverkstæði og leggur áherslu á að tækjabúnaður sé alltaf í toppstandi.

Breitt úrval fyrir ólíkar þarfir

Þótt vinnulyftur séu kjarninn í starfseminni hefur vöruúrvalið breikkað mikið. Í dag býður Armar upp á lyftur og lyftara í öllum stærðum en einnig fjölbreytt úrval smærri véla eins og rafstöðvar, hitablásara, rakatæki og öryggisgirðingar. Það þýðir að fyrirtækið þjónar ekki aðeins stórum verktökum heldur einnig minni aðilum og iðnaðarfyrirtækjum sem þurfa sérhæfðan búnað til skemmri tíma.

Það skiptir mjög miklu máli að hafa gott og vel þjálfað starfsfólk. Margt starfsfólk okkar er með langan starfsaldur og þekkja vel fyrir hvað fyrirtækið stendur.

Fólkið skiptir öllu

Þrátt fyrir alla tæknina og vélarnar leggur Ævar áherslu á að stærsti styrkurinn liggi í mannauðinum. „Það skiptir mjög miklu máli að hafa gott og vel þjálfað starfsfólk. Margt starfsfólk okkar er með langan starfsaldur og þekkja vel fyrir hvað fyrirtækið stendur.“ Þessi reynsla og þekking skilar sér beint til viðskiptavina, hvort sem um er að ræða ráðgjöf, þjónustu eða viðhald.

Horft til framtíðar

Fram undan eru spennandi tímar í íslenskum byggingariðnaði. Uppbygging innviða, stórar framkvæmdir og áframhaldandi þróun í efnahagslífinu skapa tækifæri og Armar ætlar sér að vera áfram í fremstu röð.

Með öflugum vélakosti, víðtækri þjónustu og áherslu á öryggi og fagmennsku hefur fyrirtækið fest sig í sessi sem traustur samstarfsaðili í framkvæmdum um allt land.

Og ef eitthvað er víst, þá er það þetta: næst þegar þú sérð byggingarkrana, vinnulyftu eða gröfu á ferðinni, þá eru góðar líkur á að Armar sé á bak við tjöldin að halda hlutunum á lofti.