Icelandair ræðir um kaup á dreggjum Play

Icelandair eygir aukin tækifæri í leiguflugi í kaupunum, að því er segir í tilkynningu frá flugfélaginu um viljayfirlýsingu um mögulegu kaupin. Ástæðan sé meðal annars víðtækir loftferða- og tvísköttunarsamningar sem Fly Play Europe á Möltu hefur aðgang að.

„Jafnframt skapast tækifæri til aðgreiningar á flugflota félagsins þar sem flugvélar sem eru hugsaðar til lengri tíma í farþegaleiðakerfi Icelandair væru reknar á Íslandi, en aðrar vélar á Möltu. Með slíkri aðgreiningu verður rekstur Icelandair einfaldari og skilvirkari,“ segir í tilkynningu Icelandair.

Kaupin eru sögð háð niðurstöðu áreiðanleikakönnunar, endanlegri samningsgerð, samkomulagi veðtryggðra kröfuhafa þrotabús Fly Play hf. við skiptastjóra þrotabúsins og viðeigandi samþykktum, þar á meðal frá stjórnvöldum eftir því sem við á.

Íslenska flugfélagið Play fór í þrot í fyrra. Það stofnaði félagið á möltu en það er í eigu íslenskra fjárfesta, þar á meðal lífeyrissjóðanna.