„Ég þekki náttúru­lega Ás­dísi svo­lítið vel“

Mikilvæg þrjú stig fyrir Víkinga í botnbaráttunni gegn einu besta liði landsins.

„Mér fannst við berjast alveg þar til að hann flautaði af á 95. mínútu, frábær frammistaða hjá liðinu í dag,“ bætti Telma við, en Víkinga þurftu að verjast mest allan leikinn gegn sókndjörfu FH liði.

FH fékk víti á 87. mínútu leiksins og fór Ásdís Karen Halldórsdóttir á punktinn gegn Telmu. Gerði Telma sér lítið fyrir og varði vítið á ögurstundu. En hvernig leit þetta augnablik út fyrir Telmu?

Ekki mikil pressa í vítum

„Maður er bara að reyna að verja og gera sitt besta. Það er náttúrulega ekki mikil pressa á manni í markinu þegar að það er dæmt víti. Ég ákvað bara að fara hægri og ég þekki náttúrulega Ásdísi svolítið vel þannig að ég bjóst við því að hún myndi fara hægra megin við mig, þannig að ég ákvað bara að fara þangað.“

Telma gekk í raðir Víkinga frá Rangers nú um mitt sumar og er þetta fyrsti sigurinn hennar með liðinu í sumar sem hefur verið í harðri botnbaráttu.

„Það er náttúrulega geggjað að ná þessum fyrsta sigri. Mér finnst stemningin inn í klefa bara mjög góð. Auðvitað er þetta búið að taka mjög mikið á og erfitt, en maður þarf bara að rífa sig upp og gefa allt í þetta sem er eftir af þessu tímabili. Mér finnst við hafa sýnt það í dag að við ætlum að gefa allt í þetta það sem eftir er af tímabilinu.“

Telma mætt í viðtal með klakapoka á fingrunum, en gaf lítið fyrir það þegar hún var spurð út í pokann.

„Bara góð, bara aðeins högg framan á puttana. Bara þetta venjulega sem gerist stundum, bara að kæla til vonar og vara,“ sagði Telma að lokum hress með dagsverkið.