„Það er hrika­legt að sjá þetta“

Sveinn Gísli var í skallaeinvígi og lenti illa á jörðinni, undir lok leiks, eftir að hafa leyst hlutverk sitt frábærlega í miðri vörn Víkinga sem voru að selja miðvörðinn Gunnar Vatnhamar til Danmerkur.

„Þetta er hrikalegt. Sérstaklega fyrir Svein Gísla sem spilaði nánast óaðfinnanlega fyrir okkur í dag. Frábær fyrir okkur. Ég finn virkilega til með honum, farandi inn í þessa períódu. Hrikalegt að sjá þetta. Þetta setur ljótan blett á þennan leik,“ sagði Sölvi en þetta er síður en svo í fyrsta sinn sem hann missir út mann í sumar.

„Áfram gakk. Við höldum áfram. Við erum búnir að lenda í meiðslum í sumar og margir góðir leikmenn dottið út. En það kemur maður í manns stað og við erum með sterka leikmenn sem eru tilbúnir að stíga inn fyrir þá sem detta út. Við höldum áfram okkar striki,“ sagði Sölvi.

Allt viðtalið við hann má sjá hér að ofan en þar svarar Sölvi meðal annars ummælum Arons Sigurðarsonar, fyrirliða KR, um að Víkingsliðið sé bensínlaust og rétt hökti áfram.