Einar Þór nýr fram­kvæmda­stjóri Reykja­fells

Í tilkynningu segir að þeir muni saman mynda framkvæmdastjórn félagsins, sem hafi fagnað sjötíu ára afmæli fyrr á þessu ári og flutti í nýjar höfuðstöðvar í febrúar.

„Reykjafell var stofnað árið 1956 og er í dag eitt rótgrónasta fyrirtæki landsins á sviði raf- og lýsingarbúnaðar. Félagið veitir rafverktökum, veitum og iðnfyrirtækjum um allt land heildarlausnir í afldreifingu, lagnaefni, lýsingu, töflubúnaði, iðnstýringum og rafbílahleðslu.

Í febrúar flutti félagið starfsemi sína í nýjar höfuðstöðvar að Blikastaðavegi 2 við Korputorg, þar sem skrifstofur, vöruhús og þjónusta eru sameinuð undir einu þaki. Einnig rekur það útibú á Akureyri og hefur verið í hópi Framúrskarandi fyrirtækja Creditinfo níu ár í röð,“ segir í tilkynningunni. 

Um Einar Þór segir að hann hafi víðtæka reynslu úr íslensku atvinnulífi. „Síðast starfaði hann sem framkvæmdastjóri Icelandic Food Company, þar sem hann leiddi umfangsmikla umbreytingu á rekstri félagsins á þremur árum, samhliða því að byggja upp vinnustaðamenningu sem skilaði félaginu í hóp þeirra fyrirtækja sem hæst skora í mælingum á starfsánægju. Áður starfaði hann sem stjórnandi hjá Icelandair og við fjárfestingarbankastarfsemi. Einar Þór lauk BS-prófi í viðskiptafræði frá Eckerd College í Flórída og MBA-gráðu frá Háskólanum í Reykjavík.“

Um Kristinn segir að hann hafi starfað hjá Reykjafelli undanfarin þrjú ár og búi yfir víðtækri þekkingu og reynslu af rafvörumarkaðnum. „Hann hefur gegnt lykilhlutverki í viðskiptaþróun félagsins og uppbyggingu tengsla við viðskiptavini og samstarfsaðila. Sem aðstoðarframkvæmdastjóri mun Kristinn leiða viðskiptaþróun, viðskiptatengsl og söluvöxt félagsins og taka virkan þátt í mótun og framkvæmd stefnu Reykjafells til framtíðar.“