Barnafjölskyldur setjist ekki að í Grindavík að svo stöddu
Ekki er lagt til að barnafjölskyldur setjist að í Grindavík að svo stöddu samkvæmt rammáætlun Grindavíkurnefndar um endurreisn bæjarins, sem kynnt var í dag. Í henni segir meðal annars að öryggi sé lykilforsenda allra ákvarðana og lagt er til að áhætta verði skilgreind í faglegu áhættumati í samræmi við alþjóðlega staðla, líkt og gert sé með ofanflóð.
