Kennaraverkfall
Kennarar: Peningar í pakkann
"Það vantar einfaldlega meiri peninga í pakkann," segir Finnbogi Sigurðsson, formaður Félags grunnskólakennara, á vef Kennarasambandsins.
Nýr skóli í verkfalli kennara
Einkaskóli með á annan tug grunnskólabarna úr þriðja til sjöunda bekk hefur verið starfræktur frá fyrsta degi verkfalls kennara. Haraldur Ólafsson veðurfræðingur er skólastjóri og kennir með aðstoð kennaranema og foreldra barnanna.
Menntamálaráðuneytið ónauðsynlegt
"Ef ríkisstjórninni kemur ekki við hvað er að gerast í skólum landsins þá legg ég til að menntamálaráðuneytið verði lagt niður og það strax," segir Eiríkur Jónsson formaður Kennarasambands Íslands.
Ríkissáttasemjari sleit fundinum
Ríkissáttasemjari sleit sáttafundi í kennaradeilunni fyrir um hálfri klukkustund og sendi deiluaðila heim. Hann hyggst ekki fá þá aftur til fundar fyrr en á miðvikudag. Eiríkur Jónsson, formaður Kennarasambandsins, segir einfaldlega bera of mikið í milli.
Nefndirnar hittast enn
Samninganefndir grunnskólakennara og sveitarfélaganna eru væntanlegar í Karphúsið um klukkan tíu en í gær var fundað í rúma átta tíma. Litlar fréttir berast af gangi viðræðna en líkt og fyrr segja menn von á meðan menn ræðast enn við. Verkfall grunnskólakennara hófst 20. september og hefur þegar staðið yfir í þrjár vikur.
Þroskahjálp gagnrýnir KÍ
Landssamtökin Þroskahjálp gagnrýna Kennarasamband Íslands fyrir að mismuna fötluðum börnum með undanþágum í kennaraverkfallinu eftir því hvar þau stunda nám.
Ákveðnir þættir afgreiddir
Samninganefndir grunnskólakennara og sveitarfélaganna eru væntanlegar í Karphúsið klukkan tvö en í gær var fundað í rúma átta tíma. Eiríkur Jónsson, formaður Kennarasambands Íslands, segir erfitt að leggja mat á hvort eitthvað miði í viðræðunum.
Undanþágur skapa hættu á mismunun
Eiríkur Jónsson, formaður Kennarasambandsins, segist ekki vilja tjá sig um ályktun fulltrúafundar landssamtakanna Þroskahjálpar þar sem skorað er á kenanra að veita fleiri undanþágur svo hægt sé að veita öllum fötluðum börnum kennslu og þjálfun.
Enn fundað í dag
Samninganefndir kennara og sveitarfélaga komu saman til sáttafundar í Karphúsinu núna klukkan tíu. Fundi í gær lauk um kvöldmatarleytið en hann hófst klukkan níu í gærmorgun.
Verkfall ekki liðið mikið lengur
Samninganefndir kennara og sveitarfélaga hafa fundað frá því klukkan tíu í morgun en litlar fréttir berast af gangi mála. Grunnskólakennarar hafa nú verið þrjár vikur í verkfalli og segir sveitarstjórnar- og alþingismaðurinn Gunnar I. Birgisson að það verði ekki liðið mikið lengur.
Engin tíðindi úr Karphúsinu
Samninganefndir kennara og sveitarfélaga komu saman til sáttafundar í Karphúsinu klukkan tíu í morgun. Ásmundur Stefánsson ríkissáttasemjari sagði nú laust fyrir hádegi að engin tíðindi væri að hafa af samningaviðræðunum.
Líklega setið fram eftir
Samningafundur í vinnudeilu kennara og sveitarfélaga hefur staðið yfir í húsakynnum ríkissáttasemjara frá því klukkan tíu í morgun. Úr Karphúsinu berast þær einu fregnir að líklegt sé að áfram verði setið eitthvað fram eftir.
Foreldrar og börn á Alþingi
Áhyggjufullir foreldrar söfnuðust saman fyrir utan Alþingishúsið fyrir hádegið. Til stóð að mæta á þingpalla með svöng og þreytt börn en enginn þingfundur er í dag.
Enn fundað
Finnbogi Sigurðsson, formaður Félags grunnskólakennara, segir kennara orðna langeyga eftir viðbrögðum samninganefndar sveitarfélaga við kröfum þeirra. Samningafundur í kjaradeilu grunnskólakennara og sveitarfélaga hófst klukkan níu í morgun og er enn fundað.
Vilja efnisleg viðbrögð
Finnbogi Sigurðsson, formaður Félags grunnskólakennara, segir kennara orðna langeyga eftir efnislegum viðbrögðum samninganefndar sveitarfélaga við kröfum um styttingu kennsluskyldu og færslu launaflokka úr svokölluðum potti grunnlauna. Haft er eftir Finnboga á heimasíðu Kennarasambandsins að kennarar hafi margítrekað að þessar kröfur séu ófrávíkjanlegar og ekki verði hvikað frá þeim.
Vill að ríkið taki í taumana
"Mér finnst deilan flókin og þung í vöfum. Stjórnvöld verða að láta til sín taka. Þetta er stórmál og skrítið að deilan geti gengið svona án þess að maður heyri nokkurn skapaðan hlut," sagði Bryndís Kristiansen á Austurvelli í gær.
Þröngt í búi hjá kennurum
Engin afgerandi kaflaskipti urðu á samningafundi kennara og sveitarfélaga í dag. Þrátt fyrir samstöðu og baráttuanda grunnskólakennara er þröngt í búi hjá mörgum þeirra. Frá því verkfallið hófst, þann 20. september, hafa þeir fengið greiddar þrjátíu og átta þúsund krónur úr verkfallssjóði.
Með pabba í vinnunni
Víða má sjá foreldra taka börn sín á grunnskólaaldri með í vinnuna. Þorvaldur Þorvaldsson bílstjóri hjá Sendibílastöðinni er einn þeirra. Átta ára dóttir hans Saga Rut fer með þegar hún óskar.
Engin mótsögn hjá Samfylkingu
Ingibjörg Sólrún Gísladóttir, varaformaður Samfylkingarinnar, vísar því á bug að þversögn sé á milli afstöðu Samfylkingarinnar á Alþingi og innan R-listans í borgarstjórn Reykjavíkur.
Óvænt stefna umræðu
Utandagskrárumræður tóku óvænta stefnu á Alþingi í gær. Halldór Ásgrímsson, forsætisráðherra sakaði Samfylkinguna um að tala tungum tveimur og sitt með hvorri um kennarverkfallið á Alþingi og í borgarstjórn. Össur Skarphéðinsson segir ríkisstjórnina ekki geta verið stikkfrí í deilunni.
Kennarar á þingpöllum
Aðeins 30 kennurum var hleypt á þingpalla á meðan utandagskrárumræður stóðu yfir um kennaradeiluna. Meinuðu þingverðir nokkrum fjölda kennara inngöngu í Alþingishúsið.
Ekki ósamstíga
Helgi Hjörvar, alþingismaður Samfylkingarinnar og borgarfulltrúi R-listans vísar ummælum forsætisráðherra þess efnis að Samfylkingin á þingi væri ósamstíga R-listanum í borgarstjórn á bug. "Ég bendi á að borgarstjórinn gekk á fund fjárlaganefndar á mánudag og fór yfir íþyngjandi ákvarðanir sem ríkið hefur tekið fyrir sveitarfélögin."
Vilja lagabreytingar
Ekki er hægt að fresta verkfalli kennara. Það er bannað með lögum. Kennarasamband Íslands hefur leitað eftir því að fá lögunum breytt en án árangurs, segir Hannes Þorsteinsson skrifstofustjóri sambandsins.
Laun í fæðingarorlofi lækka
Vegna nýrra laga um fæðingarorlof hefur verkfall kennara áhrif á tekjur þeirra í fæðingarorlofi allt til ársloka 2006. Þeir kennarar sem vænta barns nú í desember standa verst þar sem núgildandi reglur Tryggingamálastofnunar miða við laun þeirra frá ágúst 2003 til október 2004.
Svartsýnn á lausn deilunnar
Grafalvarleg staða er komin upp í kjaradeilu kennara og sveitarfélaganna, segir Eiríkur Jónsson formaður Kennarasambands Íslands: "Deilan er í hnút og ég er langt frá því að var bjartsýnn."
Gæslu í grunnskóla frestað
Frjálsri viðveru barna í íþróttahúsi og matsal grunnskóla Súðavíkur í verkfalli kennara hefur verið frestað að sinni, segir Ómar Már Jónsson, sveitarstjóri Súðavíkurhrepps. Ástæðuna segir Ómar vera viðbrögð kennaranna við notkun húsnæðisins sem og að fulltrúar kennarar hafi rætt við foreldra og varað þá við að standa að gæslunni.
Kennarar í veikindaleyfi án launa
Kennarar í veikindaleyfi falla af launaskrá og fá ekki greidd laun í verkfalli kennara. Eins fá atvinnulausir kennarar ekki greiddar atvinnuleysisbætur á meðan kennarar eru í verkfalli. Kennurunum er öllum gert að sækja verkfallsbætur í Vinnudeilusjóð Kennarasambands Íslands.
165 milljónir úr sjóði kennara
Um 165 milljónir voru greiddar úr Vinnudeilusjóði kennara á mánudag. Kennari í fullu starfi fær 3.000 krónur fyrir hvern verkfallsdag. Það eru um 90 þúsund krónur á mánuði.
Skora á samningsaðila
Stjórn Foreldra- og kennarafélags Síðuskóla á Akureyri skorar á deilendur í kjaradeilu grunnskólakennara og sveitarfélaga að sýna vilja í verki og setjast að samningaborðinu með opnum og jákvæðum huga. Mikilvægt sé að leysa deiluna sem sé farin að hafa áhrif á líf og störf alltof margra fjölskyldna í landinu.
Funduðu í níu tíma
Launanefnd sveitarfélaganna lagði fram skriflega tillögu að viðræðugrundvelli um launamyndunarkerfi og uppbyggingu þess á fundi með samninganefnd kennara í gær. Fundurinn stóð á níundu klukkustund.
