Ástin á götunni

KR áfram eftir bráðabana

KR komst naumlega áfram í 8 liða úrslit VISA bikarkeppni karla eftir sigur á 1. deildarliði Víkings í vítaspyrnukeppni og bráðabana. Gunnar Kristjánsson skoraði úr síðustu vítaspyrnunni fyrir KR eftir að Kristján Finnbogason hafði varið vítaspyrnu frá markverði Víkinga í bráðabana. Staðan að loknum venjulegum leiktíma og framlengingu var 3-3.

Sport 13.10.2005 19:27

Hálfleikur í Visa-bikarleikjunum

16 liða úrslit Visa bikars karla í knattspyrnu hófust með þremur leikjum kl. 19:15 í kvöld og má segja að óvæntar tölur séu í tveimur þeirra þegar flautað hefur verið til hálfleiks. Breiðablik er 0-1 yfir gegn ÍA á Akranesi og það er jafnt, 2-2 hjá 1. deildarliði Víkinga gegn KR. Valsmenn eru 2-0 yfir gegn Haukum á Hlíðarenda.

Sport 13.10.2005 19:27

Helgi Sig mætir Ronaldinho

Helgi Sigurðsson og félagar í danska úrvalsdeildarliðinu AGF Aarhus mæta Spánarmeisturum Barcelona í æfingaleik í knattspyrnu þann 25. júlí næstkomandi. Óhætt er að segja að Atletions Stadion, heimavöllur AGF verði þétt setinn þegar Helgi mætir Ronaldinho, Samuel Etoo og hinum snillingunum.

Sport 13.10.2005 19:27

Gerrard áfram hjá Liverpool?

Óstaðfestar fréttir frá Liverpool herma að Steven Gerrard fyrirliði enska úrvalsdeildarliðsins verði eftir allt saman um kyrrt hjá félaginu. Gerrard fundaði með Rafael Benitez knattspyrnustjóra og Rick Parry stjórnarformanni Liverpool fyrr í kvöld og sást yfirgefa Anfield um klukkustund síðar.

Sport 13.10.2005 19:28

Valur og ÍA í 8 liða úrslitin

Landsbankadeildarlið ÍA hefur tryggt sér sæti í 8 liða úrslitum VISA bikarkeppni karla í knattspyrnu eftir 2-1 sigur á Breiðabliki í framlengdum leik uppi á Skaga. Fyrr í kvöld vann Landsbankadeildarlið Vals 1. deildarlið Hauka, 5-1 á Hlíðarenda. Garðar Gunnlaugsson skoraði þrennu fyrir Val. Nú er að hefjast vítaspyrnukeppni hjá Víkingi og KR.

Sport 13.10.2005 19:27

Norska úrvalsdeildin

Haraldur Freyr Guðmundsson skoraði fyrir lið sitt Álasund í norsku úrvalsdeildinni í knattspyrnu í gær. Álasund tapaði 1-2 á heimavelli fyrir Hannesi Sigurðssyni og félögum hans í Víkingi.

Sport 13.10.2005 19:27

Keflavík yfir gegn FH

8. umferð Landsbankadeildar kvenna í fótbolta hófst í kvöld kl. 20 með einum leik. Keflavík er yfir á útivelli, 0-1 gegn FH. Vesna Smiljkovic skoraði markið á 21. mínútu. Í Visa bikar karla var Garðar Gunnlaugsson að koma Val í 4-1 gegn Haukum og hefur hann því skorað tvö marka Valsmanna.

Sport 13.10.2005 19:27

Víkingur og ÍA jafna

Hörður Bjarnason hefur jafnað fyrir Víking gegn KR 12 mínútum fyrir leikslok á Víkingsvelli þar sem staðan er 3-3. Sigurður Ragnar Eyjólfsson jafnaði fyrir ÍA gegn Breiðabliki 5 mínútum fyrir lok venjulegs leiktíma uppi á Skaga þar sem staðan er 1-1. Þá er Garðar Gunnlaugsson kominn með þrennu fyrir Val sem er 5-1 yfir gegn Haukum.

Sport 13.10.2005 19:27

ÍA kemst yfir í framlengingu

Pálmi Haraldsson hefur komið Skagamönnum yfir gegn Breiðabliki 2-1 í framlengingu uppi á Skaga. Markið kom á 13. mínútu framlengingarinnar en staðan að loknum venjulegum leiktíma var 1-1. Ennþá er jafnt, 3-3 hjá Víkingi og KR.

Sport 13.10.2005 19:27

Visa-bikarkeppnin karla í kvöld

Sextán liða úrslit í Visa-bikarkeppni karla í knattspyrnu hefjast í kvöld en þá verða þrír leikir. Skagamenn fá Breiðablik í heimsókn. Breiðablik er í fyrsta sæti 1. deildar og hefur ekki tapað leik á Íslandsmótinu.

Sport 13.10.2005 19:27

Grétar kemur KR yfir

Grétar Hjartarson hefur komið KR yfir, 3-2 gegn Víkingi á KR velli. Markið kom á 5. mínútu seinni hálfleiks sem hófst 17 mínútur yfir 8 í kvöld. Staðan í hálfleik var 2-2 en KR-ingar komust yfir 2-0 í seinni hálfleik. Valur er ennþá 2-0 yfir gegn Haukum og Breiðablik er 0-1 yfir gegn ÍA uppi á Skaga.

Sport 13.10.2005 19:27

Tveir leikir í framlengingu

Leikur Víkings og KR í 16 liða úrslitum Visa bikars karla fer í framlengingu en venjulegum leiktíma er lokið og staðan 3-3. Leikur ÍA og Breiðabliks fer einnig í framlengingu þar sem staðan að loknum 90 mínútum er 1-1. Valur hefur tryggt sér farseðilinn í 8 liða úrslitin með 5-1 sigri á Haukum. Garðar Gunnlaugsson skoraði þrennu fyrir Val.

Sport 13.10.2005 19:27

Mourinho byrjaður

Það fer ekki á milli mála að undirbúningstímabilið í ensku knattspyrnunni er að byrja, því Jose Mourinho knattspyrnustjóri Chelsea er byrjaður að gefa út yfirlýsingar.

Sport 13.10.2005 19:28

4 mörk komin á Hlíðarenda

Staðan hjá Val og Haukum í 16 liða úrslitum Visabikarkeppninnar er orðin 3-1 fyrir Val en seinni hálfleikur er nýhafinn. á 51. mínútu jók Baldur Aðalsteinsson forystuna fyrir Val í 3-0 en aðeins mínútu síðar minnkaði Rodney Parry muninn í 3-1. 1. Breiðablik er enn 0-1 yfir gegn ÍA uppi á Skaga og KR er 2-3 yfir gegn Víkingum í Fossvoginum.

Sport 13.10.2005 19:27

Jörundur spáir Blikasigri

Í öllum þremur leikjunum í VISA-bikarnum í kvöld leika lið úr Landsbankadeildinni gegn liðum úr 1.deild. Toppliðin tvö í 1.deildinni kljást bæði við lið sem eru um miðja Landsbankadeildina og því gæti fólk séð í þeim leikjum hver munurinn milli deildanna tveggja er.

Sport 13.10.2005 19:27

Viðræður Gerrards strandaðar?

Ensku slúðurblöðin eru uppfull af því að Chelsea muni gera Liverpool tilboð í Steven Gerrard. Blöðin segja að viðræður Gerrards og Liverpool hafi siglt í strand í gærkvöldi og að Rafael Benitez knattspyrnustjóri vilji selja fyrirliðann til að fjármagna kaup á nýjum leikmönnum.

Sport 13.10.2005 19:27

Zenden kominn til Liverpool

Boudewijn Zenden stóðst læknisskoðun hjá Evrópumeisturum Liverpool og gengur til liðs við félagið á mánudag. Zenden kemur á frjálsri sölu frá Middlesbrough. Hann er 28 ára miðjumaður og á að baki fjölmarga landsleiki fyrir Hollendinga. Hann lék áður með Barcelona og Chelsea.

Sport 13.10.2005 19:27

Ferguson fær peninga til að kaupa

Joel Glazer, einn hinna nýju stjórnarmanna Manchester United, hefur fullvissað stuðningsmenn liðsins um að knattspyrnustjórinn, Alex Ferguson, fái peninga til þess að kaupa leikmenn. Joel Glazer er sonur Bills Glazer, bandaríska auðkýfingsins sem borgaði 92 milljarða króna þegar hann keypti félagið fyrr í sumar.

Sport 13.10.2005 19:27

Guðjón ræður sér aðstoðarmann

Guðjón Þórðarson hefur ráðið sér aðstoðarmann hjá Notts County. Ross McLaren heitir hann og hefur verið aðstoðarstjóri hjá Derby og Aston Villa.

Sport 13.10.2005 19:27

Roma má ekki kaupa í eitt ár

Alþjóða knattspyrnusambandið hefur bannað ítalska liðinu Roma að kaupa leikmenn í eitt ár. Romaliðið braut reglur þegar það keypti franska leikmanninn Philp Mexes í fyrra. Mexes var búinn að ganga frá samningi við franska liðið Auxerre en forráðamenn Roma settu sig í samband við leikmanninn og hvöttu hann til þess að hætta við félagaskiptin.

Sport 13.10.2005 19:27

Lánssamningur við Liverpool

Liverpool hefur gengið frá lánssamningi við tvítugan útherja frá spænska liðinu Albacete. Mark Gonzales er Chilemaður og Liverpool fær kauprétt á honum, standi hann sig hjá félaginu. Albacete féll úr spænsku úrvalsdeildinni og er til í að selja Gonzales á 550 milljónir króna.

Sport 13.10.2005 19:27

Samningi Vieris rift

Ítalska knattspyrnuliðið Internazionale hefur rift samningi við framherjann Christian Vieri. Vieri átti ár eftir af samningi en það varð að samkomulagi milli leikmannsins og félagsins að leiðir myndu skilja.

Sport 13.10.2005 19:27

Baráttusigur Valsmanna

Valsarar sigruðu Þróttarar í Laugardalnum í gærkvöldi og fylgja FH-ingum eins og skugginn

Sport 13.10.2005 19:26

Deyðu Glazer, deyðu

Stuðningsmenn Manchester United sýndu vilja sinn í verki þegar nýju stjórnarmenn félagsins, synir Malcom Glazer, mættu á Old Trafford í gær. Kalla á lögreglu til að skakka leikinn þegar fjöldi stuðningsmanna voru með hávær mótmæli fyrir framan völlinn.

Sport 13.10.2005 19:26

Gaui vill vinna Mansfield

Guðjón Þórðarson hefur lofað áhangendum Notts County að liðið muni leggja sig allt fram undir sinni stjórn á komandi tímabili, en leikmenn eru að koma saman eftir sumarleyfi um þessar mundir og munu hefja stífar æfingar að hætti Guðjóns til að koma sér í stand fyrir átökin.

Sport 13.10.2005 19:26

Real Madrid kaupir Garcia

Real Madríd hefur fest kaup á 28 ára úrguvæskum miðjumanni, Pablo Garcia frá Osasuna. Garcia er miðjumaður og kemur væntanlega til með að berjast um stöðu í Madrídarliðinu við Danann Thomas Gravesen.

Sport 13.10.2005 19:26

Yakubu fær ekki atvinnuleyfi

Framherjinn sterki Yakubu, sem Middlesbrough keypti frá Portsmouth fyrir skömmu, uppfyllir ekki þau skilyrði sem sett eru varðandi leikjafjölda með landsliði sínu og hefur því verið synjað um atvinnuleyfi á Englandi.

Sport 13.10.2005 19:26

Stoke fréttir

Fyrrverandi knattspyrnustjóri Stoke City, Tony Pulis, samdi við framherjann Mamady Sidibe án vitundar Gunnars Þórs Gíslasonar stjórnarformanns félagsins. Þetta kemur fram á Oatcake heimasíðu stuðningsmanna liðsins.

Sport 13.10.2005 19:26

Collina dæmir áfram

Pierluigi Collina, besti dómari heims, fær að sinna starfi sínu í eitt tímabil til viðbótar vegna nýrra reglna sem ítalska knattspyrnusambandið samþykkti í gær. Collina er orðinn 45 ára og átti að vera hættur þar sem hann hafði náð hámarksaldri dómara.

Sport 13.10.2005 19:26

Robinho vill fara til Madrid

Brasilíska undrabarnið Robinho hefur tekið af allan vafa um framtíð sína og segist vilja ganga til liðs við Real Madrid á Spáni, en hinn 21-árs gamli sóknarmaður hefur verið orðaður við félög á Englandi.

Sport 13.10.2005 19:26