Innlent

Sam­fylkingin sé að vinna mót „í vondri pólitík“

„Miðjan færist til hægri. Hægrið færist enn lengra í sömu átt,“ sagði Svandís Svavarsdóttir í síðustu ræðu sinni sem formaður Vinstri grænna. Hún gagnrýndi Samfylkinguna sem væri að vinna á „þríþrautarmóti í vondri pólitík“.

Innlent

„Ég tel þetta ekki vera á­kveðna höfnun á Alexöndru“

Efstu tíu sæti lista Pírata í Reykjavík verða staðfest í dag og listinn kynntur eftir helgi. Prófkjöri lauk í gær. Kristinn Jón Ólafsson, nýr oddviti flokksins, segir spennandi tíma framundan. Ekki liggur fyrir hvort Alexandra Briem þiggi eða hafni öðru sæti listans en Kristinn segir að þó svo að niðurstaða sé bindandi geti fólk beðið um að vera fært neðar eða hafnað sæti.

Innlent

Fisk rekur á land á Stokks­eyri – Fólk sækir sér í soðið

Töluvert af fiski hefur rekið á landi á Stokkseyri í dag, ekki síst við bryggjuna. Um er að ræða dauðan fisk en sjómaður á staðnum segir að fjarna og grunnmiðin fyrir utan þorpið væru full af fiski og svo hafi gert þetta feikna brim þannig að eitthvað af fiski hefur lent of grunnt og drepist á skerjum með þessum afleiðingum.

Innlent

Hafa ekki náð á 26 Ís­lendinga í Mið-Austurlöndum

Borgaraþjónusta utanríkisráðuneytisins hefur ekki náð sambandi við 26 Íslendinga á áhrifasvæðum stríðsátaka í Mið-Austurlöndum. Alls hafa 120 Íslendingar komið sér af svæðinu eða ætla ekki að gera það, en enn er unnið að málum 47 Íslendinga. Frá þessu er greint í tilkynningu frá stjórnarráðinu.

Innlent

Einn drengur í með­ferð á nýju með­ferðar­heimili

Meðferðarheimilið Lækjarbakki hóf störf í nýju húsnæði í Gunnarsholti og tók á móti sínu fyrsta barni í gær. Í tilkynningu frá mennta- og barnamálaráðuneytinu segir að opnunin marki mikilvægan áfanga í framhaldsmeðferð fyrir drengi sem glíma við vímuefnavanda. Pláss er fyrir sex drengi og kynsegin á meðferðarheimilinu.

Innlent

Segir hvorki Jesú, Múhameð né Þór hafna yfir lög

Goðar Ásatrúarfélagsins fordæma um­mæli kanslara kaþólsku kirkjunnar á Ís­landi, um sam­kyn­hneigða. Kjal­nesingagoðinn Jóhanna Harðar­dóttir segir um sjálf­sagt viðbragð að ræða enda séu engir guðir hafnir yfir lands­lög, fyrir utan að mikið er um sam­kyn­hneigt fólk í hópi ís­lenskra heiðingja.

Innlent

Þurfi ekki að óttast bílnúmeralesara við Sorpu

Teknir hafa verið upp bílnúmeralesarar við allar Endurvinnslustöðvar Sorpu. Margir velta fyrir sér hvort þetta verði til þess að fleiri reikningar detti inn á heimabankann en Gunnar Dofri Ólafsson sviðsstjóri samskipta- og þjónustusviðs Sorpu segir svo ekki vera.

Innlent

Lista­mönnum fækkar ört

Starfandi listamönnum hefur fækkað umtalsvert hér á landi á síðustu tveimur árum. Svo virðist sem flótti sé úr ýmsum greinum en forstöðukona rannsóknarseturs skapandi greina segir mikilvægt að brugðist sé við enda um mikinn missi að ræða.

Innlent

Al­vöru inniveður um helgina

Veður um allt land verður vetrarlegt um helgina að sögn veðurfræðings. Hann segir alvöru inniveður í vændum og gott veður ekki í boði fyrr en eftir helgi, þó að það verði líklega skást á Norðausturlandi.

Innlent

Selfosskirkja 70 ára og kirkju­kórinn 80 ára

Það stendur mikið til í Selfosskirkju í marsmánuði því þá fagnar kirkjan 70 ára afmæli sínu og kirkjukórinn 80 ára afmæli. Sérstök hátíðarmessa verður á pálmasunnudag þar sem biskup Íslands predikar en kirkjan var einmitt vígð á pálmasunnudag 1956.

Innlent

Kjartan og Marta til liðs við Mið­flokkinn

Kjartan Magnússon og Marta Guðjónsdóttir borgarfulltrúar hafa ákveðið að segja skilið við Sjálfstæðisflokkinn og ganga til liðs við Miðflokkinn. Þau segjast telja Miðflokkinn mun líklegri til að vinna að meginmarkmiðum þeirra í borgarmálum.

Innlent

Úti­loka að þjóðar­at­kvæða­greiðslan fái hraða af­greiðslu

Formaður Miðflokksins útilokar að þjóðaratkvæðagreiðsla um áframhaldandi viðræður við ESB muni hljóta skjóta afgreiðslu á þingi. Formaður Sjálfstæðisflokksins segir dagsetninguna henta frasakenndri stefnu ríkisstjórnarinnar en ekki þjóðinni. Þeir segja utanríkismálanefnd hafa verið hundsaða með öllu og segja ekkert að marka fyrri orð forsætisráðherra.

Innlent

Rætt við stjórnar­and­stöðuna um at­kvæða­greiðslu um ESB

Ákvörðun um áframhald aðildarviðræðna við Evrópusambandið verður lögð í hendur þjóðarinnar í lok sumars. Búast má við átökum um málið í aðdraganda þjóðaratkvæðagreiðslu en það mun koma til kasta Alþingis strax eftir helgi. Birgir Olgeirsson fréttamaður fer ítarlega yfir málið í kvöldfréttum klukkan 18:30 og ræðir við þingmenn stjórnarandstöðunnar í beinni útsendingu.

Innlent

Truflanir víða vegna eldingaveðurs

Truflanir á rafmagni og hitaveitu eru víða á höfuðborgarsvæðinu vegna eldingaveðurs. Þá var lágur þrýstingur síðdegis á heita vatninu í Hveragerði og Þorlákshöfn og  fleiri stöðum vegna rafmagnstruflana. Þá hefur sundlaugum á höfuðborgarsvæðinu, meðal annars í Mosfellsbæ og Garðabæ verið lokað vegna veðurs.

Innlent

Hval­fjarðar­göng lokuð

Hvalfjarðargöngum hefur verið lokað. Tilkynning um lokunina var birt á vef Vegagerðarinnar klukkan 16:28 en göngunum mun hafa verið lokað vegna bilaðs bíls.

Innlent

Vatnselgur undir brúnni í Ártúnsbrekku

Mikill vatnselgur hefur myndast á veginum undir brúnni neðst í Ártúnsbrekku. Vatnið er djúpt á veginum, eins og meðfylgjandi mynd sýnir glögglega. Vegfarendur þurfa að sýna varúð en töluverðar leysingar eru á höfuðborgarsvæðinu.

Innlent

Ríkis­stjórnin feli að­gerða­leysi á bak við at­kvæða­greiðsluna

Formaður Sjálfstæðisflokksins segir ákvörðun ríkisstjórnarinnar um að ganga til þjóðaratkvæðagreiðslu um áframhald aðildarviðræðna við Evrópusambandið vera til marks um uppgjöf á þeim verkefnum sem hún tók að sér eftir síðustu kosningar. Valkyrjurnar svokölluðu ætli að leita sér pólitísks skjóls í deilum um Evrópusambandið næstu mánuði.

Innlent

Enn frekari dráttur á máli Margrétar

Mál Lögreglustjórans á höfuðborgarsvæðinu á hendur Margréti McArthur Friðriksdóttur var ekki endurflutt í dag líkt og til stóð. Þess í stað fór fram málflutningur um kröfu Margrétar um endurteknar vitnaleiðslur í málinu og um að Sigríður Hjaltested héraðsdómari verði leidd fyrir dóminn sem vitni.

Innlent

„Verið að vaða á­fram með æðibunugangi“

Formaður Landverndar telur áform umhverfisráðherra um að rýmka heimildir til eignarnáms fyrir þjóðhagslega mikilvægar framkvæmdir til þess gert að grafa undan náttúruvernd og réttindum landeigenda. Hún sakar ríkisstjórnina um að vaða áfram með æðibunugangi. 

Innlent

Raf­magns­laust vegna eldingar

Rafmagnslaust er í Þorlákshöfn vegna útleysingar í Selfosslínu 3 milli Selfoss og Þorlákshafnar. Talið er að eldingu hafið lostið niður í línuna. Bilun í tengivirki vegna eldingarinnar veldur því að rafmagnsleysið mun vara lengur en búist var við.

Innlent

Mest lesið