Upplýsingasíða í smíðum

Veðurstofa Íslands, Umhverfisstofnun og Geislavarnir ríkisins vinna nú að margþættri rannsóknar- og þróunarvinnu varðandi óson og útfjólubláa geislun. Einn þáttur verkefnisins felst í að setja upp vefsíðu þar sem útfjólublá geislun í Reykjavík er sýnd í rauntíma og hefur Veðurstofan keypt og sett upp nýtt mælitæki til sífellumælinga á útfjólublárri geislun. Geislunarmagnið er síðan tengd svonefndum UV-stuðli (UV-index) en hann er mælikvarði á áhrif geislunarinnar á fólk. Framsetningin á stuðlinum verður með sama hætti og algengast er í nágrannalöndunum og greinir frá hvernig fólk á að bregðast við mismunandi háum UV-stuðli. Gert er ráð fyrir að þessari þróunarvinnu ljúki á haustmánuðum eða snemma vetrar og vefsíðan þá opnuð almenningi.