Stansted-flugvöllur 27. október 2004 00:01 "Við höfum fengið leyfi til að auka farþegafjölda okkar úr tuttugu milljónum í 25 milljónir fyrir árið 2011. Framtíðarsýn okkar er skýr og árið 2011 hyggjumst við bæta við flugstöðina. Við viljum fjölga bílastæðum, verkstæðum og flugbrautum innan flugvallarsvæðisins," segir Geoff Colon, framkvæmdastjóri viðskiptaþróunar á Stansted flugvelli í London á Englandi um framtíð flugvallarins. Stansted flugvöllur hefur stækkað mest af öllum flugvöllum í Evrópu á síðustu árum. Hann er í raun og veru eins og risastór og mjög dýr Lego-kubbur sem er alltaf hægt að bæta við. Hann er orðin miðstöð lággjaldaflugfélaga eins og Iceland Express og Ryan Air sem hafa gert samgöngur á milli landa talsvert ódýrari en áður. Um tuttugu milljónir manna fara um flugvöllinn á ári hverju en á þessu ári búast aðstandendur flugvallarins við 21 milljón farþega. Á aðeins fimmtíu flugvöllum í heiminum er meiri farþegaumferð en á Stansted. Hægt er að fljúga til rúmlega 115 staða frá Stansted, þar af var fjórtán stöðum bætt við í ár. Á flugvellinum starfa 200 fyrirtæki og eru ellefu þúsund starfsmenn þar í vinnu. "Nýr Stansted flugvöllur var opnaður árið 1991. Árið 1998 var sprenging hjá lággjaldaflugfélögum og hafa þau á síðustu árum breytt flugviðskiptum um alla Evrópu. Nú vilja íbúar á Bretlandseyjum frekar keyra langa vegalengd til að ná ódýru flugfari og því þjónar Stansted-flugvöllur stóru svæði. Við reynum að hjálpa lággjaldaflugfélögum að selja vöru sína og styðjum við bakið á þeim. Við höfum einnig opnað vefsíðuna baa.com/changingplanesatstansted.com sem sýnir fólki hvers konar tengiflug það getur fengið frá flugvellinum," segir Geoff Colon en sem dæmi er hægt er að ferðast til fjörutíu áfangastaða eftir klukkan 16 á föstudegi og koma heim á sunnudegi á Stansted. Ryan Air er eitt þekktasta lággjaldaflugfélag í Evrópu og var stofnað árið 1985. Í fyrstu flaug Ryan Air aðeins til fjögurra áfangastaða en í dag eru þeir 78. "Ryan Air gerði flugbransann mjög einfaldan. Hjá Ryan Air eru flogin fleiri flug á dag en hjá öðrum flugfélögum og eru flugin okkar á réttum tíma í 93 prósenta tilvika," segir Kell Ryan, fyrrum stjórnarformaður Ryan Air, en hann settist í helgan stein fyrir stuttu. "Í framtíðinni stefnum við á að spara enn meira til að bjóða fólki upp á lág fargjöld. Bráðum verður ekki hægt að halla sætum aftur í flugvélum okkar og gluggahlerar verða teknir út. Í staðinn fyrir sætisvasa verða auglýsingar," segir Kell Ryan og bætir við að baráttan um lægstu fargjöldin sé blóðug. "Sá sem býður lægstu fargjöldin vinnur." Ferðalög Mest lesið Kvaddi dramað og flutti fyrir ástina Lífið „Það spurði þig enginn“ Lífið Best skipulagða geymsla landsins í glæsihúsi við Laugardalinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Verslunarhjón selja glæsivillu í 108 Lífið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Kátir tískukarlar hjá Kölska Tíska og hönnun Maður þurfti ekki að vera skyggn Gagnrýni Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
"Við höfum fengið leyfi til að auka farþegafjölda okkar úr tuttugu milljónum í 25 milljónir fyrir árið 2011. Framtíðarsýn okkar er skýr og árið 2011 hyggjumst við bæta við flugstöðina. Við viljum fjölga bílastæðum, verkstæðum og flugbrautum innan flugvallarsvæðisins," segir Geoff Colon, framkvæmdastjóri viðskiptaþróunar á Stansted flugvelli í London á Englandi um framtíð flugvallarins. Stansted flugvöllur hefur stækkað mest af öllum flugvöllum í Evrópu á síðustu árum. Hann er í raun og veru eins og risastór og mjög dýr Lego-kubbur sem er alltaf hægt að bæta við. Hann er orðin miðstöð lággjaldaflugfélaga eins og Iceland Express og Ryan Air sem hafa gert samgöngur á milli landa talsvert ódýrari en áður. Um tuttugu milljónir manna fara um flugvöllinn á ári hverju en á þessu ári búast aðstandendur flugvallarins við 21 milljón farþega. Á aðeins fimmtíu flugvöllum í heiminum er meiri farþegaumferð en á Stansted. Hægt er að fljúga til rúmlega 115 staða frá Stansted, þar af var fjórtán stöðum bætt við í ár. Á flugvellinum starfa 200 fyrirtæki og eru ellefu þúsund starfsmenn þar í vinnu. "Nýr Stansted flugvöllur var opnaður árið 1991. Árið 1998 var sprenging hjá lággjaldaflugfélögum og hafa þau á síðustu árum breytt flugviðskiptum um alla Evrópu. Nú vilja íbúar á Bretlandseyjum frekar keyra langa vegalengd til að ná ódýru flugfari og því þjónar Stansted-flugvöllur stóru svæði. Við reynum að hjálpa lággjaldaflugfélögum að selja vöru sína og styðjum við bakið á þeim. Við höfum einnig opnað vefsíðuna baa.com/changingplanesatstansted.com sem sýnir fólki hvers konar tengiflug það getur fengið frá flugvellinum," segir Geoff Colon en sem dæmi er hægt er að ferðast til fjörutíu áfangastaða eftir klukkan 16 á föstudegi og koma heim á sunnudegi á Stansted. Ryan Air er eitt þekktasta lággjaldaflugfélag í Evrópu og var stofnað árið 1985. Í fyrstu flaug Ryan Air aðeins til fjögurra áfangastaða en í dag eru þeir 78. "Ryan Air gerði flugbransann mjög einfaldan. Hjá Ryan Air eru flogin fleiri flug á dag en hjá öðrum flugfélögum og eru flugin okkar á réttum tíma í 93 prósenta tilvika," segir Kell Ryan, fyrrum stjórnarformaður Ryan Air, en hann settist í helgan stein fyrir stuttu. "Í framtíðinni stefnum við á að spara enn meira til að bjóða fólki upp á lág fargjöld. Bráðum verður ekki hægt að halla sætum aftur í flugvélum okkar og gluggahlerar verða teknir út. Í staðinn fyrir sætisvasa verða auglýsingar," segir Kell Ryan og bætir við að baráttan um lægstu fargjöldin sé blóðug. "Sá sem býður lægstu fargjöldin vinnur."
Ferðalög Mest lesið Kvaddi dramað og flutti fyrir ástina Lífið „Það spurði þig enginn“ Lífið Best skipulagða geymsla landsins í glæsihúsi við Laugardalinn Lífið Ein lausn er að liggja hlið við hlið og fróa sér Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Verslunarhjón selja glæsivillu í 108 Lífið „Það er alveg hægt að vinna rifrildið en þá tapar sambandið“ Lífið Tjáir sig í fyrsta sinn um bróðurmissinn Lífið Kátir tískukarlar hjá Kölska Tíska og hönnun Maður þurfti ekki að vera skyggn Gagnrýni Fleiri fréttir Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira