Aldrei verið feitur maður

"Ég held mér eiginlega ekki í neinu formi. Ég stunda engar íþróttir og ég horfi ekki einu sinni á íþróttir," segir Ómar Örn Hauksson, tónlistarmaður og liðsmaður hljómsveitarinnar Quarashi. Ómari snýst aðeins hugur þegar hann hugsar um hvernig hann kemst á milli staða. "Ég geng reyndar frekar mikið. Ég geng í skólann og eiginlega allt sem ég fer. En það er náttúrlega af því að ég á ekki bíl." "Ég hef aldrei verið feitur maður og telst því frekar heppinn. Ég finn samt að það er aðeins að leggjast á mig núna," segir Ómar sem hugsar ekki heldur neitt sérstaklega um það sem hann lætur ofan í sig. "Ég borða frekar mikið ruslfæði en fæ stundum köst þar sem ég hætti að drekka kók og eitthvað því um líkt. Ég borða samt ekki eingöngu rusl en pæli svo sem ekkert mikið í mataræði." Aðspurður hvort hann ætli ekki að taka upp heilbrigðara líferni segist Ómar efast um það. "Ég veit ekki hvort ég breyti einhverju. Kannski þegar nær dregur þrítugsaldrinum. Það er reyndar eftir nokkra mánuði," segir Ómar en hann verður þrítugur í janúar á næsta ári. Spurning hvort Ómar strengi hvort tveggja nýársheit og gefi sjálfum sér heilbrigðari lífsstíl í afmælisgjöf. "Ég efast um það en það er alltaf hægt að halda í vonina."