Hefur skaðað samfélagið allt 4. nóvember 2004 00:01 Þingmenn allra flokka eru sammála um að olíusamráðið hafi verið grafalvarlegt samfélagsvandamál. Flest eru þau sammála um að forstjórarnir þurfi að axla sína ábyrgð og segja erfitt að meta hvaða áhrif skaðabótamál munu hafa. Pétur Blöndal: Þingmaður Sjálfstæðisflokks Breytingar á kerfinu "Það var ákveðin brotalöm í samkeppni á Íslandi, en við höfum verið að fara inn á nýjar brautir á síðastliðnum tíu árum," segir Pétur Blöndal. "Það hefur orðið gífurleg breyting frá því kerfi sem við höfðum fyrir 1990, þegar svona samráð þótti allt að því eðlilegt þegar atvinnulíf var bundið í pólitísk höft. Samráð olíufélaganna hefur þó verið öllu illvígara eins og komið hefur í ljós." Hann segir eftir að reyna á hvort skaðabótaskylda hafi myndast, vegna neytenda, birgja og hluthafa. "Þá þarf að fara í gegnum hvernig á að gera einstaklinga ábyrga, sérstaklega þá sem stjórna og taka ákvarðanir um slíkar aðgerðir, það er erfiðara að segja til um undirmenn." Um það hvort sektarákvæðin virki, segir hann það erfitt þegar öll félög á markaði eru sektuð. "Það er spurning um að skerpa á ábyrgð einstaklinga og rétt að menn ræði það." Siv Friðleifsdóttir: Þingmaður FramsóknarflokksKallar ekki á breytingar "Mér finnst þetta mjög sorglegt mál svo ekki sé dýpra í árina tekið," segir Siv Friðleifsdóttir. Hún segir að Samkeppnisstofnun sé búin að komast að niðurstöðu hvað varðar fjársekt fyrirtækjanna og það þurfi ekki að ræða frekar. Hvað varðar ábyrgð einstaklinga vill hún ekki ræða hana á meðan málið er í lögreglurannsókn. "Viðskiptalífið hefur ekki breyst í meginatriðum," segir hún og bætir við að ef það er einbeittur vilji fyrir hendi sé hægt að brjóta samkeppnislög. "Það er verið að efla mjög Samkeppnisstofnun og Fjármálaeftirlitið, eins og stefna Framsóknarflokksins er." Hún segir ekki þurfa nýjar breytingar á samkeppnislögum, umfram þær sem þegar hafa verið boðaðar. "Á fundi viðskipta- og efnahagsnefndar spurði ég sérstaklega eftir hjá embættismönnum hvort þetta mál kalli á breytingar. Þeir sögðu að svo væri ekki." Lúðvík Bergvinsson: Þingmaður SamfylkingarHugvitsútflutningur "Eldsneyti er ein af undirstöðuvörum samfélagsins. Það að beita þeim vinnubrögðum sem fram koma í skýrslu samkeppnisráðs er aðför að undirstöðuatvinnuvegum landsins, lífskjörum og samgöngum og hefur verið gífurlega skaðlegt fyrir íslenskt atvinnulíf," segir Lúðvik Bergvinsson. "Við erum að tala um félög með 100 prósenta markaðshlutdeild, sem þeir hafa misnotað svívirðilega. Ég hefði ekki trúað þessu fyrirfram. Sérstaklega með að það sé verið að flytja verðsamráðshugvitið til annarra landa. En það er afar athyglisvert nú, þegar maður skoðar hvernig samtök atvinnulífsins og verslunarráðið hrópuðu "úlfur, úlfur!" þegar þetta fór af stað, og töldu að það væri gengið hart gegn rétti félaganna. " Lúðvík segir það erfitt að meta hvaða afleiðingar málið hefur í för með sér. "Það er ekki fyrir séð hvernig þetta mál mun enda ef félögin verða sótt til skaðabóta af mörgum." Ögmundur Jónasson: Þingmaður Vinstri grænnaYfirvegað svindl "Ég hef ekki kynnt mér það frá fyrstu hendi, það sem við höfum heyrt er allsvakalegt," segir Ögmundur Jónasson. "Yfirvegað svindl, úthugsað af nákvæmni og ekki bara gagnvart einstaklingum, heldur líka gagnvart ríki og sveitarfélögum. Þarna er mjög alvarlegt mál á ferðinni." Hann segist ekki vilja dæma einstaklinga á þessari stundu, en bæði fyrirtækin og einstaklingar sem bera sök á svindlinu þurfi að axla sína ábyrgð. "Við þurfum að athuga að dæma ekki alla menn út frá þessu, en með þessu sjáum við hvað getur gerst á fákeppnismarkaði. Þetta á sér án efa stað víðar í viðskiptalífinu." Ögmundur telur að lagabreytinga sé ekki þörf í framhaldi af þessu máli. "Það er ríkisstjórn Íslands sem á fyrst og fremst að læra af þessu, sem liggur mikið á að losa eignir þjóðar í hendur fákeppnismarkaðar. Nú sér hún hvað gerist og hlýtur að þurfa að endurskoða til dæmis sölu Símans." Guðjón A. Kristjánsson: Þingmaður FrjálslyndraLíkt og mafíustarfsemi "Mér finnst þetta bara ótrúlegt," segir Guðjón A. Kristjánsson. "Miðað við lýsingarnar sem ég hef heyrt er hægt að líkja þessu við mafíustarfsemi. Fyrirtækin eru dregin til ábyrgðar en forystumennirnir eru ábyrgir líka. Sérstaklega forstjórarnir sem leggja línurnar fyrir þessi afbrot. Ríkissaksóknari hlýtur að hefja mál, því forstjórarnir geta ekki hafa framkvæmt þetta án þess að brjóta hegningalög." Guðjón segir sjómenn hafa talað um þetta í gegnum árin og því komi þetta ekki mikið á óvart. "Miðað við hvað þetta hefur staðið lengi, tel ég að þetta geti átt sér stað annars staðar í samfélaginu." Hann segir jafnframt að það liggi alveg á borðinu að það þurfi að flýta þessari málsmeðferð hjá Samkeppnisstofnun með einhverjum hætti. Það gengur ekki að það taki ár, eða nálgist áratug eins og með tryggingafélögin, að klára svona rannsókn." Fréttir Innlent Samráð olíufélaga Mest lesið Málið áfall fyrir embættið Innlent Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Erlent Ráðherra vill að leigubílsstjórar tali íslensku Innlent Segir Jon Øigarden Ingvar E þeirra Norðmanna Innlent Njósnaaðgerðir sagðar tengjast deilum tveggja af auðugustu mönnum landsins Innlent Mál Ásthildar Lóu krufið fyrir opnum tjöldum Innlent Fjölmiðlanefnd tekur fyrir umfjöllun Fréttarinnar Innlent Pakistan segir Indland mögulega gera árás á næstu klukkustundum Erlent „Það er ekkert til sem heitir að heita trúnaði um fundarbeiðni“ Innlent Skiptar skoðanir á stöðvarskyldu: „Held að enginn vilji hverfa aftur í það ástand“ Innlent Fleiri fréttir Jafnréttisstofa kallar eftir svörum frá Ingu vegna skipunar í stjórn HMS Grunar að fleiri lögreglumenn hafi verið viðriðnir njósnirnar Segir Jon Øigarden Ingvar E þeirra Norðmanna Jafnréttisstofa krefur Ingu Sæland um útskýringu á vali á stjórnarmönnum „Það er ekkert til sem heitir að heita trúnaði um fundarbeiðni“ Fjölmiðlanefnd tekur fyrir umfjöllun Fréttarinnar Ráðherra vill að leigubílsstjórar tali íslensku Mál Ásthildar Lóu krufið fyrir opnum tjöldum Vill að þingflokkar vinni saman að því að stytta frí þingmanna Mikilvægt að vita hvar og hvernig réttar upplýsingar fást í krísuástandi Málið áfall fyrir embættið Skiptar skoðanir á stöðvarskyldu: „Held að enginn vilji hverfa aftur í það ástand“ „Miklu svakalegra en ég gerði mér grein fyrir“ Njósnaaðgerðir sagðar tengjast deilum tveggja af auðugustu mönnum landsins Boðar brottfararstöð fyrir hælisleitendur Óttaðist hið versta þegar allar tengingar rofnuðu Furðar sig á umdeildri Exit-auglýsingu og hækkar veiðigjöldin Selfyssingar buðu lægst í brúasmíði á Vestfjörðum Hræðilegt að missa samskipti við umheiminn og veiðigjöldin Varðstjóri leystur undan vinnuskyldu vegna gruns um njósnir Vesturbæingar búa sig undir fjögurra vikna sundlaugarlokun Mikill reykur vegna elds í bílatætara Vill taka upp stöðvarskyldu tveimur árum eftir að hún var afnumin Ný stjórn Ríkisútvarpsins kjörin Létt í lund þrátt fyrir margra klukkustunda bið eftir Lissabon „Í guðanna bænum höldum vöku okkar við aksturinn" „Viltu ekki tala við mig eins og ég sé gamalmenni“ Ráðherra skoðar frekari girðingar á strandveiðar Rafmagnið komið í lag og verðbólgan eykst á ný „Fyrst hélt ég að þetta væri eitthvað grín“ Sjá meira
Þingmenn allra flokka eru sammála um að olíusamráðið hafi verið grafalvarlegt samfélagsvandamál. Flest eru þau sammála um að forstjórarnir þurfi að axla sína ábyrgð og segja erfitt að meta hvaða áhrif skaðabótamál munu hafa. Pétur Blöndal: Þingmaður Sjálfstæðisflokks Breytingar á kerfinu "Það var ákveðin brotalöm í samkeppni á Íslandi, en við höfum verið að fara inn á nýjar brautir á síðastliðnum tíu árum," segir Pétur Blöndal. "Það hefur orðið gífurleg breyting frá því kerfi sem við höfðum fyrir 1990, þegar svona samráð þótti allt að því eðlilegt þegar atvinnulíf var bundið í pólitísk höft. Samráð olíufélaganna hefur þó verið öllu illvígara eins og komið hefur í ljós." Hann segir eftir að reyna á hvort skaðabótaskylda hafi myndast, vegna neytenda, birgja og hluthafa. "Þá þarf að fara í gegnum hvernig á að gera einstaklinga ábyrga, sérstaklega þá sem stjórna og taka ákvarðanir um slíkar aðgerðir, það er erfiðara að segja til um undirmenn." Um það hvort sektarákvæðin virki, segir hann það erfitt þegar öll félög á markaði eru sektuð. "Það er spurning um að skerpa á ábyrgð einstaklinga og rétt að menn ræði það." Siv Friðleifsdóttir: Þingmaður FramsóknarflokksKallar ekki á breytingar "Mér finnst þetta mjög sorglegt mál svo ekki sé dýpra í árina tekið," segir Siv Friðleifsdóttir. Hún segir að Samkeppnisstofnun sé búin að komast að niðurstöðu hvað varðar fjársekt fyrirtækjanna og það þurfi ekki að ræða frekar. Hvað varðar ábyrgð einstaklinga vill hún ekki ræða hana á meðan málið er í lögreglurannsókn. "Viðskiptalífið hefur ekki breyst í meginatriðum," segir hún og bætir við að ef það er einbeittur vilji fyrir hendi sé hægt að brjóta samkeppnislög. "Það er verið að efla mjög Samkeppnisstofnun og Fjármálaeftirlitið, eins og stefna Framsóknarflokksins er." Hún segir ekki þurfa nýjar breytingar á samkeppnislögum, umfram þær sem þegar hafa verið boðaðar. "Á fundi viðskipta- og efnahagsnefndar spurði ég sérstaklega eftir hjá embættismönnum hvort þetta mál kalli á breytingar. Þeir sögðu að svo væri ekki." Lúðvík Bergvinsson: Þingmaður SamfylkingarHugvitsútflutningur "Eldsneyti er ein af undirstöðuvörum samfélagsins. Það að beita þeim vinnubrögðum sem fram koma í skýrslu samkeppnisráðs er aðför að undirstöðuatvinnuvegum landsins, lífskjörum og samgöngum og hefur verið gífurlega skaðlegt fyrir íslenskt atvinnulíf," segir Lúðvik Bergvinsson. "Við erum að tala um félög með 100 prósenta markaðshlutdeild, sem þeir hafa misnotað svívirðilega. Ég hefði ekki trúað þessu fyrirfram. Sérstaklega með að það sé verið að flytja verðsamráðshugvitið til annarra landa. En það er afar athyglisvert nú, þegar maður skoðar hvernig samtök atvinnulífsins og verslunarráðið hrópuðu "úlfur, úlfur!" þegar þetta fór af stað, og töldu að það væri gengið hart gegn rétti félaganna. " Lúðvík segir það erfitt að meta hvaða afleiðingar málið hefur í för með sér. "Það er ekki fyrir séð hvernig þetta mál mun enda ef félögin verða sótt til skaðabóta af mörgum." Ögmundur Jónasson: Þingmaður Vinstri grænnaYfirvegað svindl "Ég hef ekki kynnt mér það frá fyrstu hendi, það sem við höfum heyrt er allsvakalegt," segir Ögmundur Jónasson. "Yfirvegað svindl, úthugsað af nákvæmni og ekki bara gagnvart einstaklingum, heldur líka gagnvart ríki og sveitarfélögum. Þarna er mjög alvarlegt mál á ferðinni." Hann segist ekki vilja dæma einstaklinga á þessari stundu, en bæði fyrirtækin og einstaklingar sem bera sök á svindlinu þurfi að axla sína ábyrgð. "Við þurfum að athuga að dæma ekki alla menn út frá þessu, en með þessu sjáum við hvað getur gerst á fákeppnismarkaði. Þetta á sér án efa stað víðar í viðskiptalífinu." Ögmundur telur að lagabreytinga sé ekki þörf í framhaldi af þessu máli. "Það er ríkisstjórn Íslands sem á fyrst og fremst að læra af þessu, sem liggur mikið á að losa eignir þjóðar í hendur fákeppnismarkaðar. Nú sér hún hvað gerist og hlýtur að þurfa að endurskoða til dæmis sölu Símans." Guðjón A. Kristjánsson: Þingmaður FrjálslyndraLíkt og mafíustarfsemi "Mér finnst þetta bara ótrúlegt," segir Guðjón A. Kristjánsson. "Miðað við lýsingarnar sem ég hef heyrt er hægt að líkja þessu við mafíustarfsemi. Fyrirtækin eru dregin til ábyrgðar en forystumennirnir eru ábyrgir líka. Sérstaklega forstjórarnir sem leggja línurnar fyrir þessi afbrot. Ríkissaksóknari hlýtur að hefja mál, því forstjórarnir geta ekki hafa framkvæmt þetta án þess að brjóta hegningalög." Guðjón segir sjómenn hafa talað um þetta í gegnum árin og því komi þetta ekki mikið á óvart. "Miðað við hvað þetta hefur staðið lengi, tel ég að þetta geti átt sér stað annars staðar í samfélaginu." Hann segir jafnframt að það liggi alveg á borðinu að það þurfi að flýta þessari málsmeðferð hjá Samkeppnisstofnun með einhverjum hætti. Það gengur ekki að það taki ár, eða nálgist áratug eins og með tryggingafélögin, að klára svona rannsókn."
Fréttir Innlent Samráð olíufélaga Mest lesið Málið áfall fyrir embættið Innlent Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Erlent Ráðherra vill að leigubílsstjórar tali íslensku Innlent Segir Jon Øigarden Ingvar E þeirra Norðmanna Innlent Njósnaaðgerðir sagðar tengjast deilum tveggja af auðugustu mönnum landsins Innlent Mál Ásthildar Lóu krufið fyrir opnum tjöldum Innlent Fjölmiðlanefnd tekur fyrir umfjöllun Fréttarinnar Innlent Pakistan segir Indland mögulega gera árás á næstu klukkustundum Erlent „Það er ekkert til sem heitir að heita trúnaði um fundarbeiðni“ Innlent Skiptar skoðanir á stöðvarskyldu: „Held að enginn vilji hverfa aftur í það ástand“ Innlent Fleiri fréttir Jafnréttisstofa kallar eftir svörum frá Ingu vegna skipunar í stjórn HMS Grunar að fleiri lögreglumenn hafi verið viðriðnir njósnirnar Segir Jon Øigarden Ingvar E þeirra Norðmanna Jafnréttisstofa krefur Ingu Sæland um útskýringu á vali á stjórnarmönnum „Það er ekkert til sem heitir að heita trúnaði um fundarbeiðni“ Fjölmiðlanefnd tekur fyrir umfjöllun Fréttarinnar Ráðherra vill að leigubílsstjórar tali íslensku Mál Ásthildar Lóu krufið fyrir opnum tjöldum Vill að þingflokkar vinni saman að því að stytta frí þingmanna Mikilvægt að vita hvar og hvernig réttar upplýsingar fást í krísuástandi Málið áfall fyrir embættið Skiptar skoðanir á stöðvarskyldu: „Held að enginn vilji hverfa aftur í það ástand“ „Miklu svakalegra en ég gerði mér grein fyrir“ Njósnaaðgerðir sagðar tengjast deilum tveggja af auðugustu mönnum landsins Boðar brottfararstöð fyrir hælisleitendur Óttaðist hið versta þegar allar tengingar rofnuðu Furðar sig á umdeildri Exit-auglýsingu og hækkar veiðigjöldin Selfyssingar buðu lægst í brúasmíði á Vestfjörðum Hræðilegt að missa samskipti við umheiminn og veiðigjöldin Varðstjóri leystur undan vinnuskyldu vegna gruns um njósnir Vesturbæingar búa sig undir fjögurra vikna sundlaugarlokun Mikill reykur vegna elds í bílatætara Vill taka upp stöðvarskyldu tveimur árum eftir að hún var afnumin Ný stjórn Ríkisútvarpsins kjörin Létt í lund þrátt fyrir margra klukkustunda bið eftir Lissabon „Í guðanna bænum höldum vöku okkar við aksturinn" „Viltu ekki tala við mig eins og ég sé gamalmenni“ Ráðherra skoðar frekari girðingar á strandveiðar Rafmagnið komið í lag og verðbólgan eykst á ný „Fyrst hélt ég að þetta væri eitthvað grín“ Sjá meira
Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Erlent
Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Erlent